നവാഗതയായ റത്തീന ഷര്ഷാദ് സംവിധാനം
മമ്മൂട്ടിയെ (Mammootty) നായകനാക്കി നവാഗതയായ റത്തീന (Ratheena) സംവിധാനം ചെയ്ത പുഴുവിന്റെ (Puzhu) സെന്സറിംഗ് നടപടികള് പൂര്ത്തിയായി. കട്ടുകളൊന്നുമില്ലാതെ യു സര്ട്ടിഫിക്കറ്റ് ആണ് ചിത്രത്തിന് ലഭിച്ചിരിക്കുന്നത്. ക്രൈം ത്രില്ലര് വിഭാഗത്തില് പെടുന്ന ചിത്രം ഡയറക്ട് ഒടിടി റിലീസ് ആയി ആവും എത്തുകയെന്ന് റിപ്പോര്ട്ടുകള് ഉണ്ടായിരുന്നെങ്കിലും അതില് ഔദ്യോഗിക സ്ഥിരീകരണം വന്നിട്ടില്ല.
'ഉണ്ട'യുടെ രചയിതാവ് ഹര്ഷദിന്റെ കഥയ്ക്ക് ഹര്ഷദിനൊപ്പം ഷര്ഫുവും സുഹാസും ചേര്ന്നാണ് തിരക്കഥ ഒരുക്കിയിരിക്കുന്നത്. മമ്മൂട്ടിക്കൊപ്പം പാര്വ്വതി തിരുവോത്ത് ഒരു പ്രധാന കഥാപാത്രത്തെ അവതരിപ്പിക്കുന്നു എന്നതും ശ്രദ്ധേയമാണ്. നെടുമുടി വേണു, ഇന്ദ്രന്സ്, ആത്മീയ രാജന്, മാളവിക മേനോന്, വാസുദേവ് സജീഷ് മാരാര് തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. സിന് സില് സെല്ലുലോയ്ഡിന്റെ ബാനറില് എസ് ജോര്ജ് ആണ് നിര്മ്മാണം.
തേനി ഈശ്വര് ആണ് ഛായാഗ്രഹണം. ലിജോയുടെ മമ്മൂട്ടി ചിത്രം 'നന്പകല് നേരത്ത് മയക്ക'ത്തിന്റെ ഛായാഗ്രഹണവും തേനി ഈശ്വര് ആയിരുന്നു. സംഗീതം ജേക്സ് ബിജോയ്, കലാസംവിധാനം മനു ജഗത്ത്, എഡിറ്റിംഗ് ദീപു ജോസഫ്, സൗണ്ട് വിഷ്ണു ഗോവിന്ദ്, ശ്രീ ശങ്കര് എന്നിവര്, ചീഫ് അസോസിയേറ്റ് ഡയറക്ടര് ബേബി പണിക്കര്, സംഘട്ടനം മാഫിയ ശശി,
