എസ് എസ് രാജമൗലിയുടെ സംവിധാനത്തിലുള്ള ചിത്രത്തില് നിന്ന് നടൻ പൃഥ്വിരാജ് പുറത്ത്.
മഹേഷ് ബാബു രാജമൗലിയുടെ സംവിധാനത്തിലുള്ള ചിത്രത്തില് നായകനാകുകയാണ്. വില്ലനായി പൃഥ്വിരാജ് ഉണ്ടാകും എന്നും വാര്ത്തകള് പ്രചരിച്ചിരുന്നു. എന്നാല് പൃഥ്വിരാജ് ചിത്രത്തില് ഉണ്ടാകില്ല. ബോളിവുഡ് നടൻ ജോണ് എബ്രഹാമായിരിക്കും ചിത്രത്തില് ഉണ്ടാകുകയെന്നാണ് റിപ്പോര്ട്ട്.
മഹേഷ് ബാബു നായകനായി ഒടുവില് വന്നത് ഗുണ്ടുര് കാരമാണ്. ഗുണ്ടുര് കാരം ആഗോളതലത്തില് 170.50 കോടി മാത്രമാണ് നേടിയത്. മഹേഷ് ബാബു നിറഞ്ഞാടുന്ന ഒരു ചിത്രമാണ് ഗുണ്ടുര് കാരം എന്നായിരുന്നു പ്രേക്ഷകരുടെ അഭിപ്രായം. ശ്രീലീലയും മീനാക്ഷി ചൗധരിയുമാണ് ആ ചിത്രത്തില് നായികമാരായി എത്തിയിരുന്നത്. ജയറാമും ഒരു നിര്ണായക കഥാപാത്രമായി ചിത്രത്തില് എത്തിയപ്പോള് ആകെ ബജറ്റ് 200 കോടി ആയിരുന്നു.
മഹേഷ് ബാബു നായകനായി എത്തുന്ന ചിത്രമായ ഗുണ്ടുര് കാരത്തിന്റെ ബോക്സ് ഓഫീസ് കളക്ഷൻ നിര്മാതാവ് നാഗ വംശി പ്രവചിച്ചത് വലിയ ചര്ച്ചയായിരുന്നു. ഹിറ്റ്മേക്കര് എസ് എസ് രാജമൗലി ചിത്രങ്ങള്ക്ക് ലഭിക്കുംവിധം ത്രിവിക്രം ശ്രീനിവാസിന്റെ ഗുണ്ടുര് കാരവും കളക്ഷൻ നേടുമെന്നാണ് നാഗ വംശി പ്രവചിച്ചിരുന്നത്. ആഗോളതലത്തില് ബോക്സ് ഓഫീസ് കളക്ഷനില് സംവിധായകൻ എസ് എസ് രാജമൗലിയുടെ ആര്ആര്ആറും ബാഹുബലിയൊക്കെ 1000 കോടിയിലധികം നേടി റെക്കോര്ഡിട്ടതാണ്. അന്ന് നിര്മാതാവ് നാഗ വംശി പറഞ്ഞതു കേട്ട് മഹേഷ് ബാബുവിന്റെ ആരാധകര് ഗുണ്ടുര് കാരത്തിന്റെ റിലീസിനായി ആകാംക്ഷയോടെ കാത്തിരുന്നത് വെറുതെയായി എന്നാണ് ബോക്സ് ഓഫീസ് റിപ്പോര്ട്ട് തെളിയിക്കുന്നത്.
മഹേഷ് ബാബു നായകനായ ചിത്രത്തിന്റെ സംവിധാനം ത്രിവിക്രം ശ്രീനിവാസ് നിര്വഹിക്കുന്നു എന്നതും ഹൈപ്പ് വര്ദ്ധിപ്പിച്ച ഘടകമായിരുന്നു. തിരക്കഥയും ത്രിവിക്രം ശ്രീനിവാസാണ്. മഹേഷ് ബാബുവിന് 50 കോടിയാണ് ചിത്രത്തിന് പ്രതിഫലം എന്നായിരുന്നു റിപ്പോര്ട്ട്. ഗുണ്ടുര് കാരം എന്ന ചിത്രത്തിന്റെ സംഗീതം എസ് തമൻ നിര്വഹിച്ച പാട്ടുകള് ഹിറ്റായിരുന്നു.
Read More: മമ്മൂട്ടിയുടെ ഡൊമിനിക്കിന് സംഭവിക്കുന്നത് എന്താണ്?, തിങ്കളാഴ്ച പരീക്ഷ പാസ്സായോ?
