ന‌ടി രാകുൽ പ്രീത് സിംഗിന് കൊവിഡ് സ്ഥിരീകരിച്ചു
താനുമായി സമ്പർക്കത്തിൽ വന്ന എല്ലാവരും ഉടൻ തന്നെ കൊവിഡ് പരിശോധനയ്ക്ക് വിധേയരാകണമെന്നും രാകുൽ ആവശ്യപ്പെട്ടു.
മുംബൈ: ന‌ടി രാകുൽ പ്രീത് സിംഗിന് കൊവിഡ് 19 സ്ഥീരികരിച്ചു. രാകുൽ തന്നെയാണ് ഇക്കാര്യം സമൂഹ മാധ്യമങ്ങളിലൂടെ പങ്കുവച്ചത്. തനിക്ക് പ്രശ്നങ്ങളൊന്നും ഇല്ലെന്നും സമ്പർക്കവിലക്കിൽ പോയിരിക്കുകയാണെന്നും രാകുൽ വ്യക്തമാക്കി.
താനുമായി സമ്പർക്കത്തിൽ വന്ന എല്ലാവരും ഉടൻ തന്നെ കൊവിഡ് പരിശോധനയ്ക്ക് വിധേയരാകണമെന്നും രാകുൽ ആവശ്യപ്പെട്ടു. നാഗാർജുന നായകനായ മൻമദുഡു2, മർജാവാൻ, സിംല മിർച്ചി തുടങ്ങിയ ചിത്രങ്ങളിലാണ് രാകുൽ കഴിഞ്ഞ വർഷം വേഷമിട്ടത്. ഹിന്ദി, തെലുങ്കു, തമിഴ് ഭാഷകളിലായി ഏഴോളം ചിത്രങ്ങളിലും താരം ഇപ്പോൾ അഭിനയിച്ചു കൊണ്ടിരിക്കുകയാണ്.
Last Updated Dec 23, 2020, 8:11 AM IST
