മര്ദാനി 2വിന്റെ വേറിട്ട പ്രമോഷൻ, കോളേജുകള് സന്ദര്ശിച്ച് ബോധവത്കരണവുമായി റാണി മുഖര്ജി
മര്ദാനി 2 എന്ന സിനിമയുടെ വേറിട്ട പ്രമോഷനുമായി കോളേജുകള് സന്ദര്ശിക്കാൻ റാണി മുഖര്ജി.
റാണി മുഖര്ജി നായികയാകുന്ന പുതിയ സിനിമയാണ് മര്ദാനി 2. പൊലീസ് ഓഫീസറായ ശിവാനി ശിവജി എന്ന കഥാപാത്രമായാണ് റാണി മുഖര്ജി ചിത്രത്തില് അഭിനയിക്കുന്നത്. ചിത്രത്തിന്റെ ഫോട്ടോകളൊക്കെ ഓണ്ലൈനില് തരംഗമായിരുന്നു. ചിത്രത്തിന്റെ പ്രചാരണത്തിന്റെ ഭാഗമായി വേറിട്ട ഒരു ബോധവത്ക്കരണവുമായി രംഗത്ത് എത്തുകയാണ് റാണി മുഖര്ജി. യുവാക്കള് കുറ്റകൃത്യങ്ങള് ഏര്പ്പെടുന്നത് തടയുന്നതിനാവശ്യമായ ബോധവത്കരണമാണ് റാണി മുഖര്ജി നടത്തുക.
ഇന്ത്യയില് അങ്ങോളമിങ്ങോളമുള്ള നിരവധി കോളേജുകളില് സന്ദര്ശിക്കാനും അവിടത്തെ വുമണ് സെല് അംഗങ്ങളുമായി സംവദിക്കാനുമാണ് തീരുമാനം. വനിതാ വികസന സെല്ലിലെ അംഗങ്ങൾ കോളേജുകളെ പെൺകുട്ടികളുടെ സുരക്ഷാ കേന്ദ്രമാക്കി മാറ്റുന്നതിന് സ്വീകരിച്ച നടപടികൾ മനസിലാക്കാനും ലൈംഗിക ചൂഷണത്തിനെതിരെ നിലകൊള്ളാൻ കോളേജുകളിലെ പുരുഷ-വനിതാ വിദ്യാർത്ഥികളുമായി സംവദിക്കാനുമാണ് തീരുമാനം. യുവാക്കളുടെ അക്രമ കുറ്റകൃത്യങ്ങളുടെ തീവ്രമായ വർധനയെക്കുറിച്ച് കൂടുതൽ അവബോധം കൊണ്ടുവരാനും ആഗ്രഹിക്കുന്നു. നമ്മുടെ കുട്ടികളെ നമുക്ക് സംരക്ഷിക്കണം റാണി മുഖര്ജി പറയുന്നു. ഗോപി പുത്രൻ ആണ് മര്ദാനി 2 തിരക്കഥയെഴുതി സംവിധാനം ചെയ്യുന്നത്. ചിത്രത്തിന്റെ ആദ്യഭാഗത്ത് തിരക്കഥയെഴുതിയതും ഗോപി പുത്രനാണ്.
ചിത്രത്തിന്റെ ട്രെയിലര് അണിയറപ്രവര്ത്തകര് പുറത്തുവിട്ടിരുന്നു. പെണ്കുട്ടികളെ ലൈംഗികമായി പീഡിപ്പിച്ച് കൊലപ്പെടുത്തുന്ന യുവാവ് ആണ് ചിത്രത്തിലെ വില്ലൻ കഥാപാത്രം. അതിനെതിരെയുള്ള പോരാട്ടമാണ് ചിത്രത്തിലുള്ളത്. മര്ദാനി സംവിധാനം ചെയ്തത് പ്രദീപ് സര്ക്കാര് ആണ്.
ചിത്രത്തിന്റെ പ്രത്യേകതകളെ കുറിച്ച് സംവിധായകനും നായികയും നേരത്തെ വ്യക്തമാക്കിയിരുന്നു. റാണി മുഖര്ജിയുടെ ശിവാനി ദുഷ് പ്രവര്ത്തികള്ക്ക് എതിരെയാണ് ചിത്രത്തില് പോരാടുന്നത്. സ്ത്രീകളെ ലക്ഷ്യമിട്ട് പ്രവര്ത്തിക്കുന്ന ക്രിമിനലാണ് ചിത്രത്തിലെ വില്ലൻ. അയാള്ക്ക് എതിരെയുള്ള പോരാട്ടമാണ് ശിവാനി നടത്തുന്നത്- ഗോപി പുത്രൻ പറയുന്നു.
ഒരു മനുഷ്യന്റെ പൈശാചിക പ്രവര്ത്തികള്ക്കെതിരെയാണ് ചിത്രത്തിലെ വനിതാ പൊലീസ് ഉദ്യോഗസ്ഥ പോരാടുന്നത് എന്ന് റാണി മുഖര്ജിയും പറയുന്നത്. സ്ത്രീകള്ക്ക് എതിരെയുള്ള കുറ്റകൃത്യങ്ങള് തടയുകയാണ് ലക്ഷ്യം. തിൻമയ്ക്ക് എതിരെയുള്ള നൻമയുടെ വിജയമാണ് നവരാത്രി പറയുന്നത് എന്ന് നമുക്ക് അറിയാമല്ലോ. മഹിഷാസുരനെതിരെയുള്ള ദേവി ദുര്ഗ്ഗയുടെ വിജയമായാലും രാവണന് എതിരെയുള്ള രാമന്റെ വിജയമായാലും ഇത്തരുണത്തില് വളരെ പ്രധാനമാണ്. അതുകൊണ്ടാണ് അങ്ങനെയുള്ള സന്ദര്ഭത്തില് തന്നെ മര്ദാനി 2ന്റെ യാത്ര തുടങ്ങുന്നത്. സ്ത്രീ ശക്തിയുടെ ഏറ്റവും ഏറ്റവും പ്രധാനമായിട്ടുള്ള ആഘോഷത്തില് തന്നെ മര്ദാനി 2വും വരുന്നു. പൈശാചികതയ്ക്ക് എതിരെയാണ് ദുര്ഗ്ഗാ ദേവിയുടെ പോരാട്ടം.
സ്ത്രീകള്ക്ക് എതിരെയുള്ള ക്രൂരത അവസാനിപ്പിക്കാനുള്ള ധീരതയോടെയുള്ള സമീപനമാണ് മര്ദാനി 2വിലും- ടീസര് റിലീസ് ചെയ്തപ്പോള് റാണി മുഖര്ജി പറഞ്ഞിരുന്നു.