ആക്ഷന്, ഫൈറ്റ്, എന്റര്ടെയിന്മെന്റ്; 'സാഹോ'യുടെ ടീസര് മാസ്സ്
ആക്ഷന് ത്രില്ലറായ സാഹോയിലെ സ്റ്റണ്ട് രംഗങ്ങള്ക്കായി മാത്രം 37 കാറുകളാണ് തകര്ത്തതെന്നാണ് റിപ്പോര്ട്ട്.
ബ്രഹമാണ്ഡ ചിത്രം ബാഹുബലിക്ക് ശേഷം പ്രഭാസ് ആരാധകരെ വിസ്മയിപ്പിക്കാന് കിടിലന് ആക്ഷന് രംഗങ്ങളുമായി 'സാഹോ'. പ്രേക്ഷകരില് ആകാംഷയുണര്ത്തുന്ന ചിത്രത്തിന്റെ ടീസര് പുറത്തുവിട്ടിരിക്കുകയാണ് അണിയറ പ്രവര്ത്തകര്.
സുജീത് റെഡ്ഡിയാണ് സംവിധാനം. ശ്രദ്ധ കപൂറാണ് ചിത്രത്തിലെ നായിക.യുവി ക്രിയേഷന്സിന്റെ ബാനറില് വംശി കൃഷ്ണ റെഡ്ഡി, പ്രമോദ് ഉപ്പലപ്പട്ടി, ബുഷന് കുമാര് എന്നിവര് ചേര്ന്നാണ് ഈ ബിഗ് ബജറ്റ് ചിത്രം നിര്മ്മിച്ചിരിക്കുന്നത്.
ആക്ഷന് ത്രില്ലറായ സാഹോയിലെ സ്റ്റണ്ട് രംഗങ്ങള്ക്കായി മാത്രം 37 കാറുകളാണ് തകര്ത്തതെന്നാണ് റിപ്പോര്ട്ട്. കെന്നി ബേറ്റ്സ് ആണ് ആണ് ആക്ഷൻ രംഗങ്ങള് കൊറിയോഗ്രാഫി ചെയ്തിരിക്കുന്നത്. ആക്ഷൻ രംഗങ്ങള്ക്കായി മാത്രം 90 കോടി രൂപയാണ് ബജറ്റ്. ചിത്രത്തിലെ സംഘട്ടന രംഗങ്ങളുടെ 'ബിഹൈന്ഡ് ദ സീന്' വീഡിയോ നേരത്തെ പുറത്തുവിട്ടിരുന്നു. ഓഗസ്റ്റ് 15-നാണ് 'സാഹോ' റിലീസ് ചെയ്യുന്നത്.