സായ് പല്ലവി നായികയാകുന്ന ചിത്രത്തിന്റെ ഗ്ലിംപ്സ് (Gargi).
സായ് പല്ലവി നായികയാകുന്ന ചിത്രമാണ് 'ഗാര്ഗി'. ഗൗതം രാമചന്ദ്രൻ ആണ് ചിത്രം സംവിധാനം ചെയ്യുന്നത്. മൂന്ന് വേഷങ്ങളിലാണ് ചിത്രത്തില് സായ് പല്ലവി അഭിനയിക്കുക എന്നാണ് റിപ്പോര്ട്ട്. സായ് പല്ലവിയുടെ ജന്മദിനത്തില് ചിത്രത്തിന്റെ ഷൂട്ടിംഗ് ദൃശ്യങ്ങള് പുറത്തുവിട്ടിരിക്കുകയാണ് (Gargi).
ഐശ്വര്യ ലക്ഷ്മി, ഗൗതം രാമചന്ദ്രൻ, തോമസ് ജോര്ജ് എന്നിവര് ചേര്ന്നാണ് ചിത്രം നിര്മിക്കുന്നത്. ഗോവിന്ദ് വസന്ത ആണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. 'ഗാര്ഗി' എന്ന പുതിയ ചിത്രത്തിന്റെ മറ്റ് അഭിനേതാക്കളുടെയോ സാങ്കേതിക പ്രവര്ത്തകരുടെയോ വിവരങ്ങള് പുറത്തുവിട്ടിട്ടില്ല. തെലുങ്കിലും കന്നഡയിലും തമിഴിലുമായിട്ടാണ് ചിത്രം എത്തുക.
'വിരാട പര്വം' എന്ന ചിത്രമാണ് സായ് പല്ലവിയുടേതായി വൈകാതെ റിലീസ് ചെയ്യാനുള്ളത്. റാണ ദഗുബാട്ടി നായകനാകുന്ന ചിത്രത്തിന്റെ റിലീസ് അടുത്തിടെ പ്രഖ്യാപിച്ചിരുന്നു. സായ് പല്ലവി നായികയാകുന്ന ചിത്രം തിയറ്ററുകളില് തന്നെയാണ് റിലീസ് ചെയ്യുക. ജൂലൈ ഒന്നിന് ആണ് ചിത്രം പ്രേക്ഷകരിലേക്ക് എത്തുക.
'വെന്നെല്ല' എന്ന കഥാപാത്രമായാണ് സായ് പല്ലവി അഭിനയിക്കുന്നത്. പൊലീസുകാരനെ പ്രണയിക്കുന്ന നക്സല് ആയിട്ടാണ് സായ് പല്ലവി ചിത്രത്തില് അഭിനയിക്കുന്നത്. റാണ ദഗുബാടി പൊലീസുകാരനായി ചിത്രത്തില് അഭിനയിക്കുന്നു. വേണു ഉഡുഗുളയാണ് ചിത്രം സംവിധാനം ചെയ്യുന്നത്.
വേണു ഉഡുഗുള തന്നെയാണ് ചിത്രത്തിന്റെ തിരക്കഥ എഴുതുന്നതും. ഡി സുരേഷ് ബാബുവും സുധാകര് ചെറുകുറിയും ചേര്ന്നാണ് ചിത്രം നിര്മിക്കുന്നത്. ശ്രീകര് പ്രസാദ് ആണ് ചിത്രത്തിന്റെ ചിത്രസംയോജനം നിര്വഹിക്കുന്നത്. നന്ദിത ദാസ്, പ്രിയാമണി, സറീന വഹാബ്, ഈശ്വരി റാവു, സായ് ചന്ദ്, നിവേദ, നവീൻ ചന്ദ്ര തുടങ്ങിയവരും ചിത്രത്തില് അഭിനയിക്കുന്നു.
വികരബാദ് ഫോറസ്റ്റില് ആയിരുന്നു സിനിമയുടെ ചില ഭാഗങ്ങള് ചിത്രീകരിച്ചത്. സുരേഷ് ബൊബ്ബിലി ആണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. ഡാനിയും ദിവാകര് മണിയും ചേര്ന്നാണ് ഛായാഗ്രാഹണം. സായ് പല്ലവിയുടെ വേറിട്ട കഥാപാത്രമായിരിക്കും ചിത്രത്തില് എന്നതിനാല് താരത്തിന് ഏറെ പ്രതീക്ഷയുള്ളതാണ് വിരാട പര്വം.
ബിഗ് ബോസ് മലയാളം സീസണ് നാലില് ഇന്ന് മോഹൻലാല് രസകരമായ ഒരു ഗെയിം നടത്തി. സ്വയംവരം എന്ന് പേരിട്ട് വിളിച്ചാണ് മോഹൻലാല് ഗെയിമിനെ കുറിച്ച് പറഞ്ഞത്. കരിഞ്ഞതും നല്ലതുമായ കുറച്ച് മാലകള് സ്റ്റോര് റൂമില് നിന്ന് ലിവിംഗ് ഏരിയയിലേക്ക് കൊണ്ടുവച്ചു. ബിഗ് ബോസില് നിന്നിട്ട് ഒരു കാര്യവും ഇല്ല എന്ന് കരുതുന്ന ആളിന് കരിഞ്ഞ മാല ഇടണം. എന്തായാലും നില്ക്കാൻ യോഗ്യതയുണ്ട് എന്ന് തോന്നുന്നയാള്ക്ക് നല്ല മാലയും ഇടുന്നതായിരുന്നു ഗെയിം. കഴിഞ്ഞ ദിവസങ്ങളിലെ തുടര്ച്ചയായിട്ട് തന്നെയായിരുന്നു ഗെയിമിന്റെ പോക്ക്. എന്തുകൊണ്ടാണ് നല്ല മാലയും കരിഞ്ഞ മാലയും ഓരോരുത്തര്ക്കും ഇട്ടതെന്ന് എല്ലാവരും വ്യക്തമാക്കുകയും ചെയ്തതോടെ ബിഗ് ബോസ് വീട്ടിലെ നിലവിലെ അഭിപ്രായം കൂടിയാണ് വ്യക്തമായത്.
മാലയിട്ടത് ഇപ്രകാരം
ലക്ഷ്മി പ്രിയ റോണ്സണ് കരിഞ്ഞ മാലയാണ് ഇട്ടത്. സുചിത്രയ്ക്ക് നല്ല മാലയും. മനുഷ്യൻമാരായാല് എല്ലാ വികാരങ്ങളും കണ്ട്രോള് ചെയ്ത് വയ്ക്കാൻ പറ്റില്ല. ഇതൊരു ഗെയിം ആണ് എന്ന് പറഞ്ഞ് സ്ക്രീൻ സ്പെയിൻസ് കൊടുക്കരുത് എന്ന് പറഞ്ഞ് വിഷയങ്ങളില് ഇടപെടാതെ നില്ക്കുന്നയാളാണ് റോണ്സണെന്ന് ലക്ഷ്മി പ്രിയ പറഞ്ഞു.
ഡോ റോബിൻ നല്ല മാല ദില്ഷയ്ക്കാണിട്ടത്. ദില്ഷയെ കുറിച്ച് മോശം ഒന്നും പറയാനില്ല, 100 ദിവസം പൂര്ത്തീകരിക്കണം എന്ന് തനിക്ക് ആഗ്രഹമുള്ളയാളാണെന്ന് റോബിൻ പറഞ്ഞു. മോശം മാല നിമിഷയ്ക്കായിരുന്നു. നിമിഷ സ്ട്രോംഗ് കണ്ടെസ്റ്റന്റ് ആണ്. പക്ഷേ ഇംപ്രൂവ് ചെയ്യാനുണ്ട് എന്നായിരുന്നു റോബിൻ പറഞ്ഞത്.
ദില്ഷ നല്ല മാല ഡോ. റോബിനാണ് ഇട്ടത്. ഡോ. റോബിൻ നല്ല ഒരു പ്ലെയറാണ് എന്ന് എനിക്ക് മനസിലായി. ഗെയിം ആയി കണ്ട് സ്വന്തം രീതിയില് ചെയ്യുന്നുണ്ടെന്നും ദില്ഷ പറഞ്ഞു. ജാസ്മിന് മോശം മാലയാണ് ഇട്ടത്. നിമിഷയ്ക്ക് ഒരു മാല കിട്ടിയിട്ട് അത് ജാസ്മിന് കിട്ടിയിട്ടില്ലേല് വിഷമമാകും. അത് മാറ്റാൻ ഇട്ടു. അങ്ങനെയാണെങ്കിലും ജാസ്മിൻ നല്ല ഒരു പ്ലെയര് അല്ല എന്ന് പറയുന്നില്ല. ജാസ്മിൻ ഒരാളെ മാത്രം കോണ്സൻട്രേറ്റ് ചെയ്യുന്നു. അത് മാറ്റിയാല് ഇംപ്രൂവ് ചെയ്യാൻ പറ്റും എന്നും ദില്ഷ പറഞ്ഞു. എന്നാല് ഇംപ്രൂവ് ചെയ്യേണ്ട ഒരാളെ അല്ല പറയേണ്ടത് എന്ന് വ്യക്തമാക്കിയപ്പോള് ദില്ഷ അഭിപ്രായം മാറ്റി. കരിഞ്ഞ മാല റോണ്സണിട്ടു. റിയാക്റ്റ് ചെയ്യേണ്ടയിടത്ത് ചെയ്യണം എന്നാണ് ദില്ഷ പറഞ്ഞ ന്യായം.
നിമിഷ നല്ല മാല ജാസ്മിനായിരുന്നു ഇട്ടത്. ജാസ്മിന് മത്സരത്തില് ഇനിയും കുറെ ചെയ്യാനുണ്ട് ജാസ്മിന് ഉറച്ച അഭിപ്രായമുള്ള ആളാണെന്നും നിമിഷ പറഞ്ഞു. ബ്ലസ്ലിക്ക് മോശം മാലയുമിട്ടു. ഗെയിമില് നിന്ന് കാര്യമില്ല എനിക്ക് തോന്നുന്നത് ബ്ലസ്ലിയാണ്. പലപ്പോഴും അവൻ പറയുന്നത് എന്താണ് എന്ന് തനിക്ക് മനസിലാകുന്നില്ലെന്നും നിമിഷ വ്യക്തമാക്കി.
ജാസ്മിൻ ദില്ഷയ്ക്കായിരുന്നു കരിഞ്ഞ മാല ഇട്ടത്. ഒരാള് മാത്രം ആണ് ഇവിടത്തെ ബെസ്റ്റ് പ്ലെയര് എന്ന് വിചാരിച്ച് നടക്കരുത്. ഒരു സിംഗിള് ആളെ ആയിരിക്കും ബെസ്റ്റ് പ്ലെയര് ആയി കാണുന്നത്. മറ്റെല്ലാവരും ലൂസേഴ്സ് അല്ല എന്നും ജാസ്മിൻ പറഞ്ഞു. നല്ല മാല നിമിഷയ്ക്കുമിട്ടു. നിമിഷ ഉരുളയ്ക്കുപ്പേരി പോലെ മറുപടി പറയും. എന്നെപ്പോലെ ഉറച്ച ഒരു നിലപാടും ഉണ്ട്. കൃത്യമായി പറയുകയും ചെയ്യും എന്നും ജാസ്മിൻ വ്യക്തമാക്കി.
അപര്ണ റോണ്സണ് കരിഞ്ഞ മാല ഇട്ടത്. ആരാണ് ഇവിടെ അവധിക്ക് വന്നത് എന്ന് ചോദിച്ചാല് അത് റോണ്സണാണ് എന്നായിരുന്നു അപര്ണ പറഞ്ഞത്. അഖിലിന് നല്ല മാലയുമിട്ടു. അഖില് പറയുന്ന എന്ത് കാര്യമായാലും തന്റെ അതേ തലത്തിലാണെന്നും കൃത്യമാണെന്നും അപര്ണ പറഞ്ഞു.
ധന്യ സൂരജിനാണ് നല്ല മാല ഇട്ടത്. തുടക്കത്തിലെ ആഴ്ചകളില് സ്വന്തം അഭിപ്രായങ്ങളുണ്ടെങ്കിലും അതുപോലെ പുറത്തേയ്ക്ക് പറയുന്നുണ്ടായിരുന്നില്ല. ഇപ്പോള് വളരെ മാന്യമായിട്ട്, കൃത്യമായിട്ട് തന്റെ അഭിപ്രായങ്ങള് സൂരജ് പറയുന്നുവെന്ന് ധന്യ അഭിപ്രായപ്പെട്ടു. റോണ്സന്റെ കാര്യം പറയുകയാണെങ്കില് ഒരിടത്തും ഒരു അഭിപ്രായമില്ല എന്ന് വ്യക്തമാക്കി കരിഞ്ഞ മാലയുമിട്ടു.
ബ്ലസ്ലി- ജാസ്മിൻ ഇല്ലെങ്കില് നിമിഷ ഒരു കിടിലൻ കണ്ടെസ്റ്റ് ആയി മാറും. നിമിഷയ്ക്കായി ജാസ്മിൻ താണുകൊടുക്കുന്നു. നിമിഷ ഉള്ളപ്പോള് ജാസ്മിൻ ഒരു വീക്ക് കണ്ടസ്റ്റ് ആയി മാറുന്നുവെന്ന് വ്യക്തമാക്കി കരിഞ്ഞ മാലയിട്ടു. ധന്യയെ ഒരുപാട് തെറ്റിദ്ധരിച്ചു എന്ന് പറഞ്ഞ് നല്ല മാലയുമിട്ട്. ധന്യ ഇൻഡിവ്യുജല് പ്ലെയറാണ് എന്ന് വ്യക്തമാക്കുകയും ചെയ്തു.
സൂരജ്- ലക്ഷ്മി പ്രിയ സ്ട്രോംഗ് ആയി നില്ക്കുന്നുണ്ട് എന്ന് പറഞ്ഞ് നല്ല മാലയിട്ടു. സ്വന്തം നിലപാടില് ചില പാകപ്പിഴകളൊക്കെ സംഭവിച്ചേക്കാമെങ്കിലും അത് ഉറച്ചു നില്ക്കുന്നുണ്ട്. റോണ്സണ് കുറെ കാര്യങ്ങളില് ഒന്നും പറയുന്നില്ല എന്ന് വ്യക്തമാക്കി സൂരാജ് കരിഞ്ഞ മാലയിട്ടു.
അഖില്- സൂരജ് ബെസ്റ്റ് പ്ലെയറായപ്പോള് എനിക്ക് ഏറ്റവും സന്തോഷം വന്നു. ഫൈനല് അഞ്ചിലുണ്ടാകണം എന്ന് താൻ ഏറ്റവും ആഗ്രഹിക്കുന്നുവെന്ന് വ്യക്തമാക്കിയാണ് സൂരജിന് അഖില് നല്ല മാലയിട്ടത്. റോണ്സണ് പറയുന്ന പല കാര്യങ്ങളിലും വ്യക്തതയില്ല എന്നും പറഞ്ഞ് കരിഞ്ഞ മാലയിട്ടു.
സുചിത്ര റോണ്സണ് ആണ് കരിഞ്ഞ മാല ഇട്ടത്. റോണ്സണ് എല്ലാരെക്കാളും മുൻപന്തിയില് എന്തായാലും നില്ക്കേണ്ട ഒരാളാണ്. റോണ്സണിന്റെ ഉറച്ച നിലപാടില് വരാതെ പോകുന്നുവെന്ന് പറഞ്ഞാണ് കരിഞ്ഞ മാലയിട്ടത്.അപര്ണ കാര്യങ്ങള് പഠിക്കണമെന്ന് പറഞ്ഞ് തന്റെ അടുത്തേയ്ക്ക് വരുന്നു, സ്മാര്ടാണ് എന്ന് വ്യക്തമാക്കി നല്ല മാലയുമിട്ടു.
റോണ്സണ് ലക്ഷ്മി പ്രിയയ്ക്കാണ് കരിഞ്ഞ മാലയിട്ടത്. ലക്ഷ്മി പ്രിയ ചേച്ചി വരുമ്പോള് തന്നെ ഈ വീട്ടില് സംസാരിക്കാൻ മടിച്ച് ഓടിപോകുന്നത് കാണാറുണ്ട്. ഫിസിക്കല് ടാസ്ക് ആരോഗ്യ പ്രശ്നങ്ങള് ഉള്ളതിനാലാണെന്ന് തോന്നുന്നു ഭംഗിയായി അല്ല ചെയ്യുന്നത്. സൂരജിനാണ് നല്ല മാലയിട്ടത്. നവീൻ കഴിഞ്ഞാല് ഉറ്റ സുഹൃത്ത് സൂരജാണ്. സൂരജുമായിട്ടാണ് എല്ലാ കാര്യങ്ങളും താൻ ഷെയര് ചെയ്യാറുള്ളത്. സൂരജ് ഫൈനല് ഫൈവില് വരണമെന്ന് താൻ ആഗ്രഹിക്കുന്നുവെന്നും റോണ്സണ് വ്യക്തമാക്കി.
