Asianet News MalayalamAsianet News Malayalam

ഷെയ്ൻ നിഗത്തിന്റെ ‘വെയില്‍’; റിലീസ് തീയതി പ്രഖ്യാപിച്ച് അണിയറപ്രവർത്തകർ

ഷെയ്ൻ നിഗവും നിര്‍മ്മാതാവ് ജോബി ജോര്‍ജും തമ്മിലുണ്ടായ തര്‍ക്കത്തെത്തുടര്‍ന്ന് നിരവധി തവണ വാര്‍ത്തകളില്‍ ഇടംപിടിച്ച ചിത്രമാണിത്. 

shane nigam movie veyil release date
Author
Kochi, First Published Apr 4, 2021, 8:37 PM IST
  • Facebook
  • Twitter
  • Whatsapp

ഷെയ്ൻ നിഗം കേന്ദ്ര കഥാപാത്രത്തെ അവതരിപ്പിക്കുന്ന ‘വെയിലി‘ന്റെ റിലീസ് തീയതി പ്രഖ്യാപിച്ചു. ജൂണ്‍ 4നാണ് ചിത്രം തിയറ്ററില്‍ എത്തുന്നത്. നവാഗതനായ ശരത് മേനോനാണ് ചിത്രത്തിന്റെ സംവിധായകന്‍. ശരത്ത് തന്നെയാണ് ചിത്രത്തിന്റെ തിരക്കഥയും രചിച്ചിരിക്കുന്നത്. ഗുഡ് വില്‍ എന്റര്‍ടെയിന്‍മെന്റ്‌സിന്റെ ബാനറിലാണ് ചിത്രം നിര്‍മ്മിച്ചിരിക്കുന്നത്.

ഷെയ്ൻ നിഗവും നിര്‍മ്മാതാവ് ജോബി ജോര്‍ജും തമ്മിലുണ്ടായ തര്‍ക്കത്തെത്തുടര്‍ന്ന് നിരവധി തവണ വാര്‍ത്തകളില്‍ ഇടംപിടിച്ച ചിത്രമാണിത്. ഷെയ്ന്‍ നിഗത്തിന്റെ വിലക്കിലേക്കും എത്തിയ തര്‍ക്കങ്ങള്‍ ചലച്ചിത്ര സംഘടനകളുടെ നേതൃത്വത്തില്‍ നടന്ന ചര്‍ച്ചകളില്‍ പരിഹരിക്കപ്പെടുകയായിരുന്നു. 

ഷാസ് മുഹമ്മദ് ഛായാഗ്രഹണം നിര്‍വ്വഹിക്കുന്ന 'വെയിലി'ന് സംഗീതം പകരുന്നത് പ്രദീപ് കുമാര്‍ ആണ്. എഡിറ്റിംഗ് പ്രവീണ്‍ പ്രഭാകര്‍. സൗണ്ട് ഡിസൈന്‍ രംഗനാഥ് രവി. 

അതേസമയം, ടി കെ രാജീവ് സംവിധാനം ചെയ്യുന്ന ബര്‍മുട എന്ന ചിത്രത്തില്‍ ഷൈന്‍ നിഗമാണ് കേന്ദ്ര കഥാപാത്രത്തെ അവതരിപ്പിക്കുന്നത്. ഇന്നലെയായിരുന്നു ചിത്രത്തിന്റെ പൂജ നടന്നത്. ചിത്രത്തില്‍ വിനയ് ഫോര്‍ട്ടും പ്രധാന വേഷം ചെയ്യുന്നുണ്ട്. 

In theaters from June 4! #Veyil

Posted by Shane Nigam on Sunday, 4 April 2021
Follow Us:
Download App:
  • android
  • ios