Asianet News MalayalamAsianet News Malayalam
breaking news image

അഭിനയത്തിലും പ്രൊഡക്ഷൻ ടീമിലും തിളങ്ങി ഷിബിൻ മാത്യു; "ലിറ്റിൽ ഹാർട്സ്" പ്രദർശനം തുടരുന്നു

എബി ട്രീസ പോളും ആന്റോ ജോസ് പെരേരയും ആണ് ലിറ്റിൽ ഹാർടിന്റെ സംവിധായകർ. സാന്ദ്ര തോമസ് പ്രൊഡക്ഷൻസ് ആണ് ചിത്രം നിർമ്മിച്ചിരിക്കുന്നത്. 

Shibin Mathew shines in acting and production team; The "Little Hearts" show continues vvk
Author
First Published Jun 16, 2024, 7:32 AM IST

കൊച്ചി: ചിരിപ്പിച്ചും പ്രണയിപ്പിച്ചും ചിന്തിപ്പിച്ചും പ്രേക്ഷകമനസ്സിൽ ഇടം നേടി രണ്ടാം വാരം പ്രദർശന വിജയം തുടരുന്ന ചിത്രമാണ് "ലിറ്റിൽ ഹാർട്സ്". ഷെയ്ൻ നിഗം, ഷൈൻ ടോം ചാക്കോ, ബാബുരാജ്, മഹിമ നമ്പ്യാർ,രമ്യ സുവി എന്നിവരാണ് ചിത്രത്തിലെ പ്രധാന താരങ്ങൾ. 

എബി ട്രീസ പോളും ആന്റോ ജോസ് പെരേരയും ആണ് ലിറ്റിൽ ഹാർടിന്റെ സംവിധായകർ. സാന്ദ്ര തോമസ് പ്രൊഡക്ഷൻസ് ആണ് ചിത്രം നിർമ്മിച്ചിരിക്കുന്നത്. നിർമ്മാണം, അഭിനയം എന്നീ മേഖലകളിൽ തന്റെതായ സ്ഥാനമുറപ്പിച്ച സാന്ദ്ര തോമസിന്റെ രണ്ടാമത്തെ ചിത്രം എന്ന രീതിയിലും” ലിറ്റിൽ ഹാർട്സ്” ശ്രദ്ധേയമാണ്.  

അഭിനയ പ്രതിഭ കൊണ്ട് പ്രേക്ഷക മനസ്സുകളിൽ ഇടം നേടിയ ഒരു ഗംഭീര താരനിര തന്നെയുണ്ട് ചിത്രത്തിൽ. രഞ്ജി പണിക്കർ, ജാഫർ ഇടുക്കി, മാലാ പാർവതി, രമ്യ സുവി, പൊന്നമ്മ ബാബു, പ്രാർത്ഥന സന്ദീപ്എ, ഷിബിൻ മാത്യു എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. ഇതിൽ പുതുമുഖം എന്ന നിലയിൽ ഷിബിൻ മാത്യുവിന്റെ അഭിനയം ശ്രദ്ധ നേടുന്നുണ്ട്. 

ഷൈൻ നിഗത്തിന് ഒപ്പമെത്തുന്ന നർമ്മം നിറഞ്ഞ തൊട്ടപ്പണിക്കാരന്റെ കഥാപാത്രം കയ്യടി നേടുന്നുണ്ട്. പുലിവാല് എന്ന ഹിറ്റ് വെബ് സീരീസിലും കൂടാതെ മറ്റു ഷോർട്ട് ഫിലിമ്സിലൂടെയാണ് ഷിബിൻ മാത്യു അഭിനയ രംഗത്ത് എത്തുന്നത്. ടോവിനോ തോമസ് ചിത്രം വാശി, ഇവ, റിയാസ് ഖാന്റെ തമിഴ് ചിത്രം തിരുമതി സെൽവി എന്നീ സിനിമകളിലും ഷിബിൻ മാത്യു അഭിനയിച്ചിട്ടുണ്ട്. അഭിനയത്തിൽ മാത്രമല്ല സാന്ദ്ര തോമസ് പ്രൊഡക്ഷൻസ് മാനേജിങ് ടീമിലും ഷിബിൻ മാത്യു ഭാഗമാണ്.

സിബി എന്ന കഥാപാത്രമായി ഷെയിൻ നിഗവും ബേബിയായി ബാബുരാജും സിസിലിയായി രമ്യയും തിളങ്ങുമ്പോൾ ശോശയായി മഹിമ പ്രേക്ഷകർക്ക് മുന്നിലെത്തുന്നു. സൗഹൃദവും പ്രണയവും നിറച്ച് ലളിതമായി പോകുന്ന കഥ സങ്കീർണ്ണമാകുന്നത് മറ്റ് ചില വിഷയങ്ങൾ കൂടി ലിറ്റിൽ ഹാർട്സ് ചർച്ചചെയ്യുമ്പോഴാണ്. ലിറ്റിൽ ഹാർട്സിന്റെ തിരക്കഥ ഒരുക്കിയത് രാജേഷ് പിന്നാടൻ. ബിജു മേനോൻ റോഷൻ മാത്യു ചിത്രം ഒരു തെക്കൻ തല്ല് കേസ്, റിലീസിന് തയ്യാറെടുക്കുന്ന പൃഥ്വിരാജ് ചിത്രം വിലായത്ത് ബുദ്ധ എന്നീ ചിത്രങ്ങളുടെ തിരക്കഥയും രാജേഷിന്റെതായിരുന്നു. 

ഏഴ് പാട്ടുകളുള്ള ചിത്രത്തിന്റെ സംഗീതം കൈലാസ് മേനോൻ. ക്യാമറ ലുക്ക് ജോസ്. എഡിറ്റർ നൗഫൽ അബ്ദുള്ള, പ്രൊഡക്ഷൻ ഹെഡ് അനിറ്റാരാജ് കപിൽ.ക്രിയേറ്റീവ് ഹെഡ് ഗോപികാ റാണി. ക്രിയേറ്റീവ് ഡയറക്ടർ ദിപിൽദേവ്, പ്രൊഡക്ഷൻ കൺട്രോളർ ഡേവിസൺ സി ജെ, മേക്കപ്പ് പ്രദീപ് ഗോപാലകൃഷ്ണൻ, കോസ്റ്റ്യൂം അരുൺ മനോഹർ, ആർട്ട് അരുൺ ജോസ്, കൊറിയോഗ്രഫി റിഷ്ദാൻ അബ്ദുൾ റഷീദ്, സ്റ്റിൽസ് അനീഷ് ബാബു, ഡിസൈൻസ് ഏസ്ത്തറ്റിക് കുഞ്ഞമ്മ, തുടങ്ങിയവരാണ് മറ്റ് അണിയറ പ്രവർത്തകർ.

"ആരും നീ ആരു നീ ആരാണ് നീ..." 'ചിത്തിനി'യിലെ പുതിയ ഗാനം എത്തി

ശിൽപ ഷെട്ടിയും ഭർത്താവ് രാജ് കുന്ദ്രയും 'സ്വര്‍ണ്ണ സ്കീമില്‍' വഞ്ചിച്ചു; അന്വേഷിക്കാന്‍ കോടതി ഉത്തരവ്

Latest Videos
Follow Us:
Download App:
  • android
  • ios