ഭാര്യക്ക് വിവാഹ വാര്ഷിക ആശംസകള് നേര്ന്ന് ഫോട്ടോകള് പങ്കുവെച്ച് സിജു വില്സണ് (Siju Wilson).
മലയാളത്തിന്റെ പ്രിയപ്പെട്ട താരങ്ങളില് ഒരാളാണ് സിജു വില്സണ്. സാമൂഹ്യമാധ്യമങ്ങളില് സജീവമായി ഇടപെടുന്ന താരവുമാണ് സിജു വില്സണ്. സിജു വില്സണിന്റെ ഫോട്ടോകള് ഓണ്ലൈനില് തരംഗമാകാറുണ്ട്. ഇപ്പോഴിതാ സിജു വില്സണ് പങ്കുവെച്ച പുതിയ ഫോട്ടോകളാണ് ശ്രദ്ധ നേടുന്നു (Siju Wilson).
വിവാഹ വാര്ഷിക ആശംസകളുമായിട്ടാണ് സിജു വില്സണ് ഫോട്ടോ പങ്കുവെച്ചിരിക്കുന്നത്. ശ്രുതിയും സിജു വില്സണും വിവാഹിതരാകുന്നത് 2017ലാണ്. ശ്രുതി - സിജു വില്സണ് ദമ്പതിമാര്ക്ക് മെഹര് എന്ന ഒരു മകളുമുണ്ട്. അടുത്തിടെ മെഹറിന്റെ ജന്മദിനത്തില് സിജു വല്സണ് പങ്കുവെച്ച കുറിപ്പ് ആരാധകര് ഏറ്റെടുത്തിരുന്നു.
കഴിഞ്ഞ വര്ഷം ഇതേ ദിവസം ഒരു അച്ഛനും അമ്മയും ജനിച്ചു. ഒരു അനുഗ്രഹമായി നീ വന്ന ഈ ദിവസം ജീവിതത്തെ കൂടുതല് മനോഹരമായും അര്ഥപൂര്ണവുമാക്കി. നിന്നോടൊപ്പമുള്ള ഞങ്ങളുടെ ആദ്യ വർഷം ഏറ്റവും സവിശേഷമായ ഒന്നായിരുന്നു, അതിന്റെ ഓരോ നിമിഷവും ഞങ്ങൾ ഇഷ്ടപ്പെട്ടു. നീ ഈ ലോകത്തിലേക്ക് വന്നതുമുതൽ, ഞങ്ങൾക്ക് അനന്തമായ സന്തോഷത്തിന്റെ നിമിഷങ്ങളും ഏറ്റവും മധുരമുള്ള ഓർമ്മകളും നൽകി. നിന്റെ വളര്ച്ചതന്നെ ഞങ്ങള്ക്ക് മനോഹരമായ ഒരു കാഴ്ചയാണ്. പ്രിയപ്പെട്ട രാജകുമാരി ഞങ്ങള് എന്നും നിന്നെ സ്നേഹിക്കുന്നു. നിനക്ക് വേണ്ടി ഞങ്ങള് എന്നുമുണ്ടാകും എന്നുമാണ് സിജു വില്സണ് മെഹറിന്റെ ഒന്നാം ജന്മദിനത്തില് കുറിച്ചത്.
സിജു വില്സണ് നായകനാകുന്ന ചിത്രമായി 'വരയൻ' ആണ് ഏറ്റവും ഒടുവില് റിലീസ് ചെയ്തത്. ജിജോ ജോസഫാണ് ചിത്രം സംവിധാനം ചെയ്തത്. 'വരയൻ' എന്ന ചിത്രത്തിന്റെ റിലീസ് പല കാരണങ്ങളാല് നീണ്ടുപോയിരുന്നു. സിജു വില്സണ് ചിത്രം ഒടുവില് മെയ് 20ന് റിലീസ് ചെയ്തപ്പോള് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്..ചിത്രത്തിന്റെ പ്രൊഡക്ഷൻ കണ്ട്രോളര്. ജോജി ജോസഫാണ് ചിത്രത്തിന്റെ പ്രൊജക്റ്റ് ഡിസൈൻ.
'വരയൻ' എന്ന ചിത്രത്തിന്റെ ഗാനരചന നിര്വഹിച്ചത് ബി കെ ഹരിനാരായണനാണ്. പ്രകാശ് അലക്സാണ് ചിത്രത്തിന്റെ സംഗീത സംവിധായകൻ. രാജേഷ് രാമനാണ് ചിത്രത്തിന്റെ ഛായാഗ്രാഹണം നിര്വഹിച്ചത്. സിജു വില്സല് വൈദികനായിട്ടായിരുന്നു ചിത്രത്തില് അഭിനയിച്ചത്.
'പത്തൊമ്പതാം നൂറ്റാണ്ട്' എന്ന ചിത്രം ഇനി സിജു വില്സണിന് ഏറെ പ്രതീക്ഷയുള്ളതാണ്. പത്തൊൻപതാം നൂറ്റാണ്ട് കാലഘട്ടത്തെ നവോത്ഥാന നായകനായ ആറാട്ട് വേലായുധ പണിക്കരായാണ് സിജു വില്സണ് അഭിനയിക്കുന്നത്. വിനയൻ ആണ് ചിത്രം സംവിധാനം ചെയ്യുന്നത്. വിനയൻ തന്നെയാണ് ചിത്രത്തിന്റെ തിരക്കഥയും എഴുതുന്നത്.
'പത്തൊമ്പതാം നൂറ്റാണ്ട്' എന്ന ചിത്രം തിയറ്ററുകളില് തന്നെയാകും റിലീസ് ചെയ്യുകയെന്ന് നേരത്തെ വിനയൻ അറിയിച്ചിരുന്നു. സാധാരണക്കാരെ സംബന്ധിച്ചിടത്തോളം ഏറ്റവും കുറഞ്ഞ ചെലവിൽ ആസ്വദിക്കാൻ പറ്റുന്ന വിനോദമാണ് സിനിമ. വർണ്ണാഭമായ ദൃശ്യങ്ങളുടെയും അതിശയിപ്പിക്കുന്ന ശബ്ദവിന്യാസത്തിന്റെയും വിസ്മയക്കാഴ്ചയായ സിനിമ നല്ല തിയറ്ററുകളിലെ സാങ്കേതിക സൗകര്യത്തോടു കൂടി കണ്ടാലേ അതിന്റെ പൂർണ്ണ ആസ്വാദനത്തിലെത്തൂ. ഒടിടി പ്ലാറ്റ്ഫോമിൽ റിലീസ് ചെയ്യുന്ന സിനിമകൾ ഫോണിന്റെ സ്ക്രീനിൽ കണ്ടു തൃപ്തിയടയുന്നവരും ഉണ്ടല്ലോ? ഉള്ളതുകണ്ട് ഉള്ളപോലെ തൃപ്തിയാവുക എന്ന അവസ്ഥയെന്നേ അതിനെക്കുറിച്ച് പറയാനാകൂ. അതുകൊണ്ടു തന്നെ നൂറുകണക്കിനു ജൂനിയർ ആർട്ടിസ്റ്റുകളും നിരവധി ആക്ഷൻ സ്വീക്വൻസുകളും ഒക്കെയുള്ള 'പത്തൊമ്പതാം നൂറ്റാണ്ട്' എത്ര കാത്തിരുന്നാലും ശരി തിയറ്ററുകളിൽ മാത്രമേ റിലീസി ചെയ്യൂ എന്ന തീരുമാനമാണ് ഞങ്ങൾ എടുത്തിരിക്കുന്നത്. വലിയ താരപദവിയും ജനകീയമായ അംഗീകാരവുമൊക്കെ സിനിമക്കാർ നേടിയെടുത്തതിൽ തിയറ്ററുകളിലെ ആരവങ്ങൾക്ക് വലിയ പങ്കുണ്ടായിരുന്നു എന്ന കാര്യം സിനിമാക്കാരെങ്കിലും മറക്കരുത് എന്ന് വിനയൻ കൊവിഡ് കാലത്ത് ഫേസ്ബുക്കില് എഴുതിയിരുന്നു.
Read More : ഇസക്കുട്ടനെ പകര്ത്തുന്ന മമ്മൂട്ടി, ഫോട്ടോയെടുത്ത് കുഞ്ചാക്കോ ബോബൻ
