Vendhu Thanindhathu Kaadu : ഗൗതം മേനോന്റെ 'വെന്ത് തനിന്തത് കാട്', അപ്ഡേറ്റുമായി ചിമ്പു
ചിമ്പു നായകനാകുന്ന 'വെന്ത് തനിന്തത് കാടി 'ന്റെ അപ്ഡേറ്റ് (Vendhu Thanindhathu Kaadu).
ചിമ്പു നായകനാകുന്ന പുതിയ ചിത്രമാണ് 'വെന്ത് തനിന്തത് കാട്' . ഗൗതം വാസുദേവ മേനോന് ആണ് ചിത്രം സംവിധാനം ചെയ്യുന്നത്. അതുകൊണ്ടുതന്നെ ആരാധകര് ആകാംക്ഷയോടെ കാത്തിരിക്കുന്ന ഒരു ചിത്രവുമാണ് ഇത്. ഇപ്പോഴിതാ 'വെന്ത് തനിന്തത് കാടിന്റെ ഒരു ഗംഭീര അപ്ഡേറ്റ് വന്നിരിക്കുകയാണ് (Vendhu Thanindhathu Kaadu).
ചിമ്പു തന്നെയാണ് തന്റെ ചിത്രത്തെ കുറിച്ചുള്ള അപ്ഡേറ്റ് നല്കിയിരിക്കുന്നത്. തന്റെ ഡബ്ബിംഗ് പൂര്ത്തിയാക്കി എന്നാണ് ചിമ്പു അറിയിച്ചിരിക്കുന്നത്. സിദ്ധാര്ഥ നൂനി ആണ് ചിത്രത്തിന്റെ ഛായാഗ്രാഹണം. എ ആര് റഹ്മാന് ആണ് ചിത്രത്തിന്റെ സംഗീതം.
ഡീഗ്ലാമറൈസ്ഡ് ഗെറ്റപ്പിലാണ് ചിമ്പു ചിത്രത്തില് അഭിനയിച്ചിരിക്കുന്നത്. വേല്സ് ഫിലിം ഇന്റര്നാഷണലിന്റെ ബാനറില് ഡോ: ഇഷാരി കെ ഗണേഷ് നിര്മ്മിക്കുന്ന ചിത്രത്തില് മലയാളി താരം നീരജ് മാധവും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. റൊമാന്റിക് ഡ്രാമകള്ക്കായാണ് ചിമ്പുവും ഗൗതം വാസുദേവ മേനോനും മുന്പ് ഒരുമിച്ചതെങ്കില് റൂറല് ഡ്രാമ-ത്രില്ലര് ആണ് പുതിയ ചിത്രം. ഭാരതിയാറുടെ 'അഗ്നികുഞ്ജൊണ്ഡ്രു കണ്ടേന്' എന്നാരംഭിക്കുന്ന കവിതയിലെ വരികളില് നിന്നാണ് ഗൗതം വാസുദേവ മേനോന് സിനിമയ്ക്ക് പേര് കണ്ടെത്തിയിരിക്കുന്നത്. 'ഉറിയടി' എന്ന തമിഴ് ചിത്രത്തിലെ ഗാനത്തിലും ഈ കവിത ഉപയോഗിച്ചിരുന്നു.
ആവേശമാകാൻ കാര്ത്തിയുടെ 'വിരുമൻ', റിലീസ് പ്രഖ്യാപിച്ചു
കാര്ത്തി നായകനാകുന്ന പുതിയ സിനിമയാണ് 'വിരുമൻ'. മുത്തയ്യ ആണ് ചിത്രം സംവിധാനം ചെയ്യുന്നത്. മുത്തയ്യയുടേതാണ് തിരക്കഥയും. 'വിരുമൻ' എന്ന ചിത്രത്തിന്റെ റിലീസ് പ്രഖ്യാപിച്ചിരിക്കുകയാണ് ഇപ്പോള്.
ഓഗസ്റ്റ് 12ന് ആണ് ചിത്രം റിലീസ് ചെയ്യുക. തിയറ്ററുകളില് തന്നെയാണ് കാര്ത്തിയുടെ ചിത്രം റിലീസ് ചെയ്യുക. എസ് കെ സെല്വകുമാറാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. യുവൻ ശങ്കര് രാജ സംഗീത സംവിധാനം നിര്വഹിക്കുന്നു.
സൂര്യയും ജ്യോതികയും ആണ് ചിത്രം നിര്മിക്കുന്നത്. 2 ഡി എന്റര്ടെയ്ൻമെന്റിന്റെ ബാനറിലാണ് നിര്മാണം. രാജശേഖര് കര്പ്പൂരയാണ് സഹനിര്മാണം. പ്രകാശ് രാജ്, സൂരി എന്നിവരടക്കമുള്ള താരങ്ങള് അഭിനയിക്കുന്നു.
അതിഥി ഷങ്കറാണ് നായിക. സംവിധായകൻ ഷങ്കറിന്റെ ഇളയ മകളാണ് ചിത്രത്തിലെ നായികയായ അതിഥി ഷങ്കര്. കൊമ്പൻ എന്ന വൻ ഹിറ്റിന് ശേഷം കാര്ത്തിയും മുത്തയ്യയും ഒന്നിക്കുന്ന ചിത്രമാണ് വിരുമൻ ഗ്രാമീണ പശ്ചാത്തലത്തിലുള്ളതാകും ചിത്രം.
കാര്ത്തി നായകനായി റിലീസിന് തയ്യാറായിരിക്കുന്ന മറ്റൊരു ചിത്രമാണ് 'സര്ദാര്'. പി എസ് മിത്രനാണ് ചിത്രം സംവിധാനം ചെയ്യുന്നത്. പി എസ് മിത്രൻ തന്നെയാണ് ചിത്രത്തിന്റെ തിരക്കഥ എഴുതുന്നതും. 'സര്ദാറി'ന്റെ തിയറ്റര് റൈറ്റ്സ് സ്വന്തമാക്കിയിരിക്കുന്നത് ഉദയനിധി സ്റ്റാലിന്റെ റെഡ് ജിയാന്റ് മൂവീസ് ആണ്(തമിഴ്നാട്ടിലെ തിയറ്റര് റൈറ്റ്സ്). ദീപാവലിക്ക് പ്രദര്ശനത്തിനെത്തുമെന്ന് അറിയിച്ചിരിക്കുന്ന ചിത്രവുമായി റെഡ് ജിയാന്റ് മൂവീസും കൈകോര്ക്കുന്നതോടെ വലിയ പ്രതീക്ഷകളിലാണ് എല്ലാവരും.
ജി വി പ്രകാശ് കുമാറാണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. ജോര്ജ് സി വില്യംസാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. എസ് ലക്ഷ്മണ് കുമാറാണ് ചിത്രം നിര്മിക്കുന്നത്. പ്രിൻസ് പിക്ചേഴ്സിന്റ ബാനറിലാണ് നിര്മാണം. റൂബനാണ് 'സര്ദാര്' എന്ന ചിത്രത്തിന്റെ ചിത്ര സംയോജനം നിര്വഹിക്കുന്നത്. ബോളിവുഡ് നടൻ ചങ്കി പാണ്ഡെ ചിത്രത്തില് അഭിനയിക്കുന്നു.
റാഷി ഖന്ന ആണ് ചിത്രത്തില് നായികയായി എത്തുന്നത്. ഒരു സ്പൈ ആക്ഷൻ ചിത്രമായിരിക്കും 'സര്ദാര്'. വിദേശ രാജ്യങ്ങളിലടക്കമാണ് 'സര്ദാര്' ചിത്രം ഷൂട്ട് ചെയ്തത്. കാര്ത്തിക്ക് വലിയ ഹിറ്റ് ചിത്രം സമ്മാനിക്കുമെന്നാണ് ആരാധകരുടെ പ്രതീക്ഷ.
Read More : ദാവണിയില് മനോഹരിയായി 'ശീതള്', തരംഗമായി പുതിയ ഫോട്ടോഷൂട്ട്