കരുത്തനാകാൻ സൂര്യ, കങ്കുവയുടെ അര്ഥം എന്ത്?, ഉത്തരം കിട്ടിയതിന്റെ ആവേശത്തില് ആരാധകര്
കങ്കുവയെന്ന പേരിന്റെ അര്ഥം ചര്ച്ചയായിരിക്കുകയാണ്.
 )
Followരാജ്യമൊട്ടാകെ ആകാംക്ഷയോടെ കാത്തിരിക്കുന്ന ഒരു ചിത്രാണ് കങ്കുവ. സൂര്യ നായകനായി എത്തുന്ന കങ്കുവയുടെ ട്രെയിലര് ഹിറ്റായിട്ടുണ്ട്. ട്രെയിലര് പുറത്തിറങ്ങിയപ്പോഴേ ആരാധകര് തെരഞ്ഞത് സിനിമയുടെ പേരിന്റെ അര്ഥമാണ്. കങ്കുവ എന്ന പേരിന്റെ അര്ഥം ഒടുവില് ആരാധകര് കണ്ടെത്തിയിരിക്കുന്നു എന്നാണ് റിപ്പോര്ട്ട്.
സംവിധായകൻ സിരുത്തൈ ശിവ 2023ല് ചിത്രത്തിന്റെ പേരിന്റെ അര്ഥം വെളിപ്പെടുത്തിയതാണ് കങ്കുവയുടെ ട്രെയിലര് പുറത്തിറങ്ങിയപ്പോള് ആരാധകര് ചര്ച്ചയാക്കുന്നത്. പുരാതനമായ തമിഴ് വാക്കാണ് കങ്കുവ. തീ എന്നാണ് അര്ഥം. അതായത് ദഹിപ്പിക്കാൻ പോന്ന ശക്തിയുള്ളവനെന്നാണ് ചിത്രത്തിന്റെ പേര് കങ്കുവയുടെ അര്ഥമെന്നാണ് റിപ്പോര്ട്ട്. റിലീസിന് സൂര്യയുടെ കങ്കുവ 100 കോടിയില് അധികം നേടുമോ എന്നതും ചര്ച്ചയാകുന്നുണ്ട്
സംവിധായകൻ സിരുത്തൈ ശിവയുടെ കങ്കുവ സിനിമയിലെ ഫയര് ഗാനം നേരത്തെ പുറത്തുവിട്ടിരുന്നു. കങ്കുവ ഒന്നിനൊപ്പം രണ്ടാം ഭാഗത്തിന്റെയും കഥ പൂര്ത്തിയായിട്ടുണ്ട് എന്നും നിര്മാതാവ് വ്യക്തമാക്കിയതും ചിത്രത്തിന്റെ ആരാധകരെ ആവേശത്തിലാക്കിയിട്ടുണ്ട്. കങ്കുവ രണ്ടിന്റെ ചിത്രീകരണം എപ്പോഴായിരിക്കുമെന്നും ചിത്രത്തിന്റെ നിര്മാതാവ് സൂചിപ്പിച്ചു. കങ്കുവ 2 2026ല് തീര്ക്കാനാണ് തങ്ങള് ഉദ്ദേശിക്കുന്നതെന്ന് കെ ഇ ഝാനവേല് പറഞ്ഞതായും റിപ്പോര്ട്ടുണ്ട്.
വമ്പൻമാരായ ആമസോണ് പ്രൈം വീഡിയോയാണ് ഒടിടി റൈറ്റ്സ് നേടിയത് എന്നതും സൂര്യയുടെ ചിത്രം കങ്കുവയില് വലിയ പ്രതീക്ഷകളുണ്ടാക്കിയിട്ടുണ്ട്. ഒരു നടനെന്ന നിലയില് കങ്കുവ സിനിമ വലിയ അനുഗ്രഹമാണെന്ന് സൂര്യ വ്യക്തമാക്കി. പ്രതീക്ഷയേറെയുള്ള കങ്കുവയുടെ ചിത്രീകരണം ഓരോ ദിവസവും കൂടുതല് മെച്ചപ്പെട്ടതായിരുന്നു എന്നായിരുന്നു നേരത്തെ താരം ചൂണ്ടിക്കാട്ടിയതും. അറിയാത്ത ഒരു പ്രദേശത്ത് നടക്കുന്ന കഥയായതിനാല് കങ്കുവ പ്രധാനപ്പെട്ടതാണെന്നും സൂര്യ വ്യക്തമാക്കിയിരുന്നു. തങ്ങള് കങ്കുവ ഏതാണ്ട് 150 ദിവസത്തില് അധികമെടുത്താണ് ചിത്രീകരിച്ചതെന്നും രാജ്യമൊട്ടാകെ പ്രേക്ഷകര്ക്ക് എന്തായാലും ഇഷ്ടപ്പെടും എന്നാണ് വിശ്വസിക്കുന്നത് എന്നും താരം വ്യക്തമാക്കി.
Read More: ചിരിയും പ്രണയവുമായി ഷെയ്ൻ നിഗം, ഒടിടിയില് ലിറ്റില് ഹാര്ട്സ് പ്രദര്ശനത്തിന് എത്തി
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
