'അത് ആമിര് ഖാന്റെ പ്രോമിസാണ്', ബോളിവുഡില് പ്രതീക്ഷയുമായി സിത്താരെ സമീൻ പര്
ആമിര് ഖാൻ നായകനാകുന്ന ചിത്രത്തെ കുറിച്ച് ദര്ശീല്.
 )
ആമിര് ഖാൻ നായകനായി ഇനി വരാനിരിക്കുന്ന ചിത്രം സിത്താരെ സമീൻ പര് ആണ്. താരെ സമീൻ പറിന്റെ രണ്ടാം ഭാഗമായിരിക്കും സിത്താരെ സമീൻ പര് എന്ന് റിപ്പോര്ട്ടുകളുണ്ടായിരുന്നു. എന്തായാലും ആമിര് ഖാന്റെ പുതിയ ചിത്രം പ്രതിപാദിക്കുന്നത് ഡൗണ് സിൻഡ്രോം എന്ന രോഗാവസ്ഥയാണ് എന്നാണ് റിപ്പോര്ട്ട്. താരെ സമീൻ പറില് നായകനായ താരം ദര്ശീല് സഫാരി ആമിര് ഖാൻ ചിത്രത്തില് പ്രതീക്ഷ പ്രകടിപ്പിച്ചതും ചര്ച്ചയാകുകയാണ്.
സിത്താരെ സമീൻ പര് മനോഹരമായ സിനിമയായിരിക്കും എന്ന് ദര്ശീല് സഫാരി വ്യക്തമാക്കി. അതാണ് ആമിര് സാറിന്റെ വാക്കാണെന്നും പറഞ്ഞു ദര്ശീല് സഫാരി. പ്രതീക്ഷയേറെയുള്ള സിത്താരെ സമീൻ പാര് സിനിമയുടെ ചിത്രീകരണം പൂര്ത്തിയായിരിക്കുകയാണ്. താരെ സമീൻ പർ കഥയും സംവിധാനവും ആമിര് ഖാനായിരുന്നു. ആമിര് ഖാനായിരുന്നു നിര്മാണവും. എന്നാല് സിത്താരെ സമീൻ പര് സംവിധാനം ചെയ്യുന്നത് ആര് എസ് പ്രസന്നയാണ്. സിത്താരെ സമീൻ പര് എന്ന ചിത്രം ക്രിസ്മസ് റിലീസായി എത്തുമെന്നാണ് റിപ്പോര്ട്ട്.
ലാല് സിംഗ് ഛദ്ദ എന്ന ചിത്രം വൻ പരാജയമായതില് അടുത്തിടെ ആമിര് ഖൻ പ്രതികരിച്ചിരുന്നു. അദ്വൈത്, കരീന എന്നിവരൊക്കെ ആ സിനിമയ്ക്കായി കഠിനമായി പ്രവര്ത്തിച്ചെങ്കിലും പക്ഷേ അത് നല്ലതായി വന്നില്ലെന്നും മറ്റൊരു കാര്യം പഠിച്ചു എന്നുമായിരുന്നു ആമിര് ഖാൻ പ്രതികരിച്ചിരുന്നു. എനിക്ക് ഒരുപാട് തെറ്റുകള് ആ സിനിമയുടെ വിവിധ ഘട്ടത്തില് സംഭവിച്ചു. ദൈവത്തിന് നന്ദി, ഞാൻ ഒരു സിനിമയില് മാത്രമല്ലേ ആ തെറ്റുകള് ചെയ്തിട്ടുള്ളൂ എന്നുമായിരുന്നു ആമിര് ഖാൻ വ്യക്തമാക്കിയത്.
ടോം ഹാങ്ക്സിന്റെ 'ഫോറസ്റ്റ് ഗംപ്' സിനിമയുടെ ഹിന്ദി റീമേക്കാണ് 'ലാല് സിംഗ് ഛദ്ധ'. 1994ല് പ്രദര്ശനത്തിന് എത്തിയ ഹോളിവുഡ് ചിത്രം വൻ ഹിറ്റായിരുന്നു. കരീന കപൂര് നായികയാകുന്ന ചിത്രത്തിന്റെ സംവിധാനം അദ്വൈത് ചന്ദ്രനായിരുന്നു. ലാല് സിംഗ് ഛദ്ദയുടെ സംഗീത സംവിധാനം പ്രിതമായിരുന്നു. ആമിര് ഖാൻ തന്നെയാണ് ചിത്രം നിര്മിച്ചിരിക്കുന്നത്. ഛായാഗ്രാഹണം നിര്വഹിച്ചിരിക്കുന്നത് സത്യജിത്ത് പാണ്ഡെയാണ്. പല പ്രായങ്ങളിലുള്ള കഥാപാത്രമായി ചിത്രത്തില് ആമിറെത്തിയിരുന്നു.
Read More: അത്ഭുതപ്പെടുത്തി രായൻ, കേരളത്തില് നിന്ന് ഒരാഴ്ച നേടിയതിന്റെ കണക്കുകള്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
