ഗരുഡൻ ആകെ നേടിയതിന്റെ കണക്കുകള്.
സുരേഷ് ഗോപി നായകനായി എത്തിയ ചിത്രം ഗരുഡൻ വൻ ഹിറ്റായി മാറിയിരിക്കുകയാണ്. ബിജു മേനോനും പ്രധാന വേഷത്തിലെത്തി. പ്രതീക്ഷികള്ക്കപ്പുറമുള്ള വിജയമാണ് നേടുന്നത്. ഗരുഡന്റെ പുതിയ ബോക്സ് ഓഫീസ് കളക്ഷൻ റിപ്പോര്ട്ടാണ് പുറത്തുവിട്ടിരിക്കുന്നത്.
ആഗോളതലത്തില് ഗരുഡൻ ആകെ 25 കോടി രൂപയില് അധികം നേടി എന്നാണ് ലഭ്യമായ ബോക്സ് ഓഫീസ് റിപ്പോര്ട്ടുകള് വ്യക്തമാക്കുന്നത്. മള്ട്ടിപ്ലക്സില് കൊച്ചിയില് 90 ലക്ഷം ചിത്രം നേടിയിട്ടുണ്ട് എന്ന് നേരത്തെ പുറത്തുവിട്ട റിപ്പോര്ട്ടുകള് വ്യക്തമാക്കിയിരുന്നു. കളക്ഷനില് മുന്നേറ്റമുണ്ടാക്കാൻ ഗരുഡനാകുന്നുണ്ടെന്നാണ് ഓരോ ദിവസത്തെയും കണക്കുകള് വ്യക്തമാക്കുന്നത് എന്നുമാണ് റിപ്പോര്ട്ട്. വമ്പൻ വിജയമായ കണ്ണൂര് സ്ക്വാഡിന്റെ കളക്ഷൻ മറികടക്കാൻ ഗരുഡനാകുമോ എന്നത് നിലവില് സംശയമാണെങ്കിലും സുരേഷ് ഗോപിയുടെ എക്കാലത്തെയും ഹിറ്റുകളില് ഒന്നാകും അരുണ് വര്മ സംവിധാനം ചെയ്ത ചിത്രം എന്ന് ഉറപ്പിക്കാവുന്നതാണ്.
ലിസ്റ്റിൻ സ്റ്റീഫനാണ് ഗരുഡൻ നിര്മിച്ചത്. മിഥുൻ മാനുവേല് തോമസ് തിരക്കഥയെഴുതിയ ചിത്രമായ ഗരുഡൻ റിലീസിനേ മികച്ച അഭിപ്രായം നേടിയിരുന്നു എന്നാണ് റിപ്പോര്ട്ടുകള്. സമീപകാലത്ത് മലയാളത്തിലുള്ള മികച്ച ത്രില്ലര് സിനിമ എന്നാണ് സുരേഷ് ഗോപി നായകനായ ഗരുഡൻ കണ്ടവര് അഭിപ്രായപ്പെടുന്നത്. സുരേഷ് ഗോപിയുടെയും ബിജു മേനോന്റെയും ചിത്രത്തിലെ പ്രകടനത്തെയും പ്രേക്ഷകര് പ്രശംസിക്കുന്നുവെന്നാണ് റിപ്പോര്ട്ട്.
മുൻ നായിക അഭിരാമി, സിദിഖ്, ജഗദീഷ്, ദിലീഷ് പോത്തൻ, തലൈവാസൽ വിജയ്, ദിവ്യാ പിള്ള , മേജർ രവി, ജയിംസ് ജോസ്, നിഷാന്ത് സാഗർ, രഞ്ജിത്ത് കാൽപ്പോൾ, സാദ്ധിഖ് എന്നിവരും സുരേഷ് ഗാപി നായകനായ ഗരുഡനിലെ പ്രധാന കഥാപാത്രങ്ങളെ അവതരിപ്പിക്കുന്നു. പ്രൊഡക്ഷൻ കണ്ട്രോളര് ഡിക്സൻ പെടുത്താസ്. ഛായാഗ്രാഹണം അജയ് ഡേവിഡ് കാച്ചപ്പിളളിയാണ്. പിആര്ഒ വാഴൂര് ജോസ്.
Read More:ആ ചരിത്ര പുരുഷനായി ഹിറ്റ് സംവിധായകൻ എത്തിയപ്പോള് ശബ്ദം ബിജു മേനോന്റേത്, അപൂര്വ കഥ
