സുരേഷ് ഗോപി അഭിനയിക്കുന്ന തമിഴ് ചിത്രത്തിന്റെ റിലീസ് പ്രഖ്യാപിച്ചു.
വിജയ് ആന്റണി നായകനാകുന്ന പുതിയ ചിത്രമാണ് 'തമിഴരശൻ'. മലയാളികളുടെ പ്രിയപ്പെട്ട താരം സുരേഷ് ഗോപിയും ചിത്രത്തില് പ്രധാന കഥാപാത്രമായി എത്തുന്നു. മലയാളത്തില് നിന്ന് രമ്യാ നമ്പീശനുമുണ്ട്. പല കാരണങ്ങളാല് റിലീസ് നീണ്ടുപോയ ചിത്രം തിയറ്ററുകളിലേക്ക് എത്തുകയാണ്.
ഡിസംബര് 30ന് ആണ് ചിത്രം തിയറ്ററുകളില് റിലീസ് ചെയ്യുക. ബാബു യോഗേശ്വരൻ ആണ് ചിത്രം തിരക്കഥ എഴുതി സംവിധാനം ചെയ്യുന്നത്. ആര് ഡി രാജശേഖര് ഐഎസ്സിയാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. ഇളയരാജയാണ് സംഗീത സംവിധായകൻ.
എസ് കൗസല്യ റാണിയാണ് ചിത്രം നിര്മിക്കുന്നത്. രവീന്ദര് ആണ് വിജയ് ആന്റണി ചിത്രത്തിന്റെ എക്സിക്യുട്ടീവ് പ്രൊഡ്യൂര്. വി വിശ്വനാഥനാണ് പ്രൊഡക്ഷൻ എക്സിക്യുട്ടീവ്. എസ്എൻഎസ് മൂവീസാണ് ചിത്രത്തിന്റെ ബാനര്.
സുരേഷ് ഗോപി നായകനായി ഏറ്റവും ഒടുവില് റിലീസ് ചെയ്ത ചിത്രം 'മേ ഹൂം മൂസ'യാണ്. ജിബു ജേക്കബാണ് സുരേഷ് ഗോപി ചിത്രം സംവിധാനം ചെയ്തത്. മോശമല്ലാത്ത പ്രതികരണം ചിത്രം സ്വന്തമാക്കിയിരുന്നു. സൈജു കുറുപ്പ് ,ഹരീഷ് കണാരൻ, ജോണി ആന്റണി, മേജർ രവി, പുനം ബജ്വ ,അശ്വിനി റെഡ്ഡി, മിഥുൻ രമേശ്, ശശാങ്കൻ മയ്യനാട്, ശരൺ, സ്രിന്ദ, എന്നിവരും പ്രധാന വേഷങ്ങളെ അവതരിപ്പിച്ചിരുന്നു. കോൺഫിഡന്റ് ഗ്രൂപ്പ്, ആന്റ് തോമസ് തിരുവല്ലാ ഫിലിംസിന്റെ ബാനറിൽ ഡോ. സി ജെ റോയ്, തോമസ് തിരുവല്ല എന്നിവരാണ് ചിത്രം നിര്മിച്ചത്. വിഷ്ണുനാരായണൻ ഛായാഗ്രഹണം. കലാസംവിധാനം -സജിത് ശിവഗംഗ . മേക്കപ്പ് - പ്രദീപ് രംഗൻ, കോസ്റ്റ്യൂ - ഡിസൈൻ - നിസ്സാർ റഹ്മത്ത്. ചീഫ് അസ്സോസ്സിയേറ്റ് ഡയറക്ടർ -രാജേഷ് ഭാസ്കർ. അസ്സോസ്സിയേറ്റ് ഡയറക്ടേഴ്സ് - ഷബിൽ, സിന്റെ, പ്രൊഡക്ഷൻ എക്സിക്യുട്ടീവ് - സഫി ആയൂർ. പ്രൊഡക്ഷൻ കൺട്രോളർ സജീവ് ചന്തിരൂർ എന്നിവരുമായിരുന്നു.
Read More: മകള് ഐശ്വര്യക്കൊപ്പം തിരുപ്പതി ക്ഷേത്രത്തില് ദര്ശനം നടത്തി രജനികാന്ത്
