മുൻ പ്രധാനമന്ത്രി വാജ്പെയ്യുടെ ജീവിതം സിനിമയാകുന്നു
വാജ്പെയുടെ കുട്ടിക്കാലം, കോളേജ് ജീവിതം, രാഷ്ട്രീയ ജീവിതം, പ്രധാനമന്ത്രിയായിട്ടുള്ള കാലം തുടങ്ങിയവ ചിത്രത്തിലുണ്ടാകും.
ഇന്ത്യയുടെ മുൻ പ്രധാനമന്ത്രിയും ഭാരതരത്ന നല്കി രാജ്യം ആദരിക്കുകയും ചെയ്ത അടല് ബിഹാരി വാജ്പെയ്യുടെ ജീവിതം സിനിമയാകുന്നു. ഉല്ലേക് എൻ പി എഴുതിയ ദ അണ്ടോള്ഡ് വാജ്പെയ് എന്ന പുസ്തകത്തെ ആസ്പദമാക്കിയായിരിക്കും സിനിമ. ആരായിരിക്കും വാജ്പെയ് ആയി അഭിനയിക്കുകയെന്നതടക്കമുള്ള കാര്യങ്ങള് പുറത്തുവിട്ടിട്ടില്ല.
അമാശ് ഫിലിംസിന്റെ ശിവ ശര്മ്മ ദ അണ്ടോള്ഡ് വാജ്പെയ് സിനിമയാക്കുന്നതിനുള്ള പകര്പ്പാവകാശം സ്വന്തമാക്കിയിട്ടുണ്ട്. വാജ്പെയുടെ കുട്ടിക്കാലം, കോളേജ് ജീവിതം, രാഷ്ട്രീയ ജീവിതം, പ്രധാനമന്ത്രിയായിട്ടുള്ള കാലം തുടങ്ങിയവ ചിത്രത്തിലുണ്ടാകും. 2018 ഓഗസ്റ്റ് 16നായിരുന്നു വാജ്പെയ് അന്തരിച്ചത്.