ഗൗതം വാസുദേവ് മേനോൻ ചിത്രത്തിലെ വീഡിയോ ഗാനം പുറത്ത്.
ഗൗതം വാസുദേവ് മേനോൻ വമ്പൻ തിരിച്ചുവരവ് നടത്തിയ ചിത്രമാണ് 'വെന്തു തനിന്തതു കാട്'. ചിമ്പു നായകനായ ചിത്രം വൻ ഹിറ്റായി മാറിയിരുന്നു. ചിത്രത്തിലെ ഗാനങ്ങളും റിലീസിന് മുന്നേ തന്നെ ശ്രദ്ധിക്കപ്പെട്ടിരുന്നു. 'വെന്തു തനിന്തതു കാടി'ലെ മനോഹരമായ ഒരു പ്രണയഗാനത്തിന്റെ വീഡിയോയും പുറത്തുവിട്ടിരിക്കുകയാണ്.
എ ആര് റഹ്മാന്റെ സംഗീത സംവിധാനത്തിലുള്ള 'കാലത്തുക്കും നീ വേണം' എന്ന ഗാനത്തിന്റെ വീഡിയോയാണ് പുറത്തുവിട്ടത്. 'വെന്തു തനിന്തതു കാട്' രണ്ടാം ഭാഗം ഉണ്ടാകുമെന്ന് ഗലാട്ടയ്ക്ക് നല്കിയ അഭിമുഖത്തില് നിര്മാതാവ് ഇഷാരി കെ ഗണേഷ് സ്ഥിരീകരണം നല്കിയിരുന്നു. ഒരു പാൻ ഇന്ത്യൻ ചിത്രമായിട്ടായിരിക്കും രണ്ടാം ഭാഗം എത്തുക. തമിഴ്, തെലുങ്ക്, ഹിന്ദി കന്നഡ, മലയാളം എന്നീ ഭാഷകളിലാണ് രണ്ടാം ഭാഗം എത്തുക. വൻ ക്യാൻവാസിലായിരിക്കും ചിത്രം എത്തുക. ഴോണറും വ്യത്യാസമായിട്ടുള്ള ഒരു വിഷ്വല് ട്രീറ്റായിരിക്കും രണ്ടാം ഭാഗം. രണ്ടാം ഭാഗവും സ്വീകരിക്കപ്പെട്ടാല് കൂടുല് ഫ്രാഞ്ചൈസുകള് ഉണ്ടാകുമെന്നും ഇഷാരി കെ ഗണേഷ് പറയുന്നു.
ഡീഗ്ലാമറൈസ്ഡ് ഗെറ്റപ്പിലുമാണ്ണ് ചിമ്പു ചിത്രത്തില് അഭിനയിച്ചിരിക്കുന്നത്. വേല്സ് ഫിലിം ഇന്റര്നാഷണലിന്റെ ബാനറില് ഡോ: ഇഷാരി കെ ഗണേഷ് നിര്മിച്ച ചിത്രത്തില് മലയാളി താരം നീരജ് മാധവും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. റൊമാന്റിക് ഡ്രാമകള്ക്കായാണ് ചിമ്പുവും ഗൗതം വാസുദേവ മേനോനും മുന്പ് ഒരുമിച്ചതെങ്കില് റൂറല് ഡ്രാമ-ത്രില്ലര് ആണ് പുതിയ ചിത്രം. ഭാരതിയാറുടെ 'അഗ്നികുഞ്ജൊണ്ഡ്രു കണ്ടേന്' എന്നാരംഭിക്കുന്ന കവിതയിലെ വരികളില് നിന്നാണ് ഗൗതം വാസുദേവ മേനോന് സിനിമയ്ക്ക് പേര് കണ്ടെത്തിയത്. 'ഉറിയടി' എന്ന തമിഴ് ചിത്രത്തിലെ ഗാനത്തിലും ഈ കവിത ഉപയോഗിച്ചിരുന്നു. 'വെന്തു തനിന്തതു കാട്' എന്ന ചിത്രം ഉദയനിധി സ്റ്റാലിന്റെ റെഡ് ജിയാന്റ് മൂവീസ് ആണ് വിതരണം ചെയ്തത്. ഗൗതം വാസുദേവ് മേനോനും ചിമ്പുവും ഒന്നിക്കുമ്പോള് ചിത്രം മോശമാകില്ല എന്ന പ്രതീക്ഷ നിറവേറ്റിയിരിക്കുന്നു എന്നാണ് പ്രേക്ഷക പ്രതികരണങ്ങള്.
ഗൗതം വാസുദേവ് മേനോന്റെ തന്നെയായിരുന്നു തിരക്കഥ. ആന്തണി ആണ് ചിത്രത്തിന്റെ ചിത്രസംയോജനം നിര്വഹിച്ചത്. സിദ്ധാര്ഥ നുനിയാണ് ചിത്രത്തിന്റെ ഛായാഗ്രാഹണം. ആമസോണ് പ്രൈം വീഡിയോയില് ചിത്രം ഇപ്പോള് സ്ട്രീം ചെയ്യുന്നുണ്ട്.
Read More: പ്രിയദര്ശന്റെ സംവിധാനത്തില് ഷെയ്ൻ നിഗം, 'കൊറോണ പേപ്പേഴ്സ്' തുടങ്ങി
