പുതിയ ചിത്രവുമായി അമിത് ചക്കാലക്കല് ; ‘യുവം’ ഫസ്റ്റ്ലുക്ക് മോഷന് പോസ്റ്റര്
നവാഗതനായ പിങ്കു പീറ്റര് സംവിധാനം നിര്വഹിക്കുന്ന ചിത്രത്തിന്റെ ഫസ്റ്റ്ലുക്ക് മോഷന് പോസ്റ്റര് പുറത്തിറങ്ങി
ഏറെ ശ്രദ്ധനേടിയ വാരിക്കുഴിയിലെ കൊലപാതകം എന്ന ചിത്രത്തിനുശേഷം അമിത് ചക്കാലക്കല് നായകനാവുന്ന പുതിയ ചിത്രമാണ് ‘യുവം’. നവാഗതനായ പിങ്കു പീറ്റര് സംവിധാനം നിര്വഹിക്കുന്ന ചിത്രത്തിന്റെ ഫസ്റ്റ്ലുക്ക് മോഷന് പോസ്റ്റര് പുറത്തിറങ്ങി.
അമിത് ചക്കാലക്കലിന് പുറമെ ഡയാന ഹമീദ്, അഭിഷേക് രവീന്ദ്രന്, നിര്മല് പാലാഴി എന്നിവരാണ് ചിത്രത്തില് കേന്ദ്ര കഥാപാത്രങ്ങളെ അവതരിപ്പിക്കുന്നത്. വണ്സ് അപ്പോണ് എ ടൈം പ്രൊഡക്ഷന്സിന്റെ ബാനറില് ജോണി മക്കോറയാണ് ചിത്രത്തിന്റെ നിര്മാണം നിര്വഹിക്കുന്നത്. ഗോപി സുന്ദര് ആണ് സിനിമയുടെ സംഗീത സംവിധാനം നിര്വഹിച്ചിരിക്കുന്നത്. ബി കെ ഹരിനാരായണന് ആണ് ഗാനരചയിതാവ്. ജോണ് കുട്ടി എഡിറ്റിംഗും സജിത്ത് പുരുഷന് ഛായാഗ്രഹണവും നിര്വഹിക്കുന്നു.