സര്ക്കാറില് വിജയ് ഗൂഗിള് സിഇഒയെ പോലെ; എ ആര് മുരുഗദോസ് പറയുന്നു
ആരാധകര് ആകാംക്ഷയോടെ കാത്തിരിക്കുകയാണ് വിജയ് നായകനാകുന്ന സര്ക്കാര് എന്ന സിനിമയ്ക്കായി. എ ആര് മുരുഗദോസിന്റെ സംവിധാനത്തില് ഒരുങ്ങുന്ന ചിത്രം സൂപ്പര്ഹിറ്റാകുമെന്നാണ് പ്രേക്ഷകര് കരുതുന്നത്.ചിത്രത്തിന്റെ പോസ്റ്റ് പ്രൊഡക്ഷൻ ജോലികള് പുരോഗമിക്കുകയാണ്. ചിത്രത്തില് വിജയ്യുടെ റോളിനെ കുറിച്ച് സൂചനകള് നല്കുകയാണ് എ ആര് മുരുഗദോസ്.
ആരാധകര് ആകാംക്ഷയോടെ കാത്തിരിക്കുകയാണ് വിജയ് നായകനാകുന്ന സര്ക്കാര് എന്ന സിനിമയ്ക്കായി. എ ആര് മുരുഗദോസിന്റെ സംവിധാനത്തില് ഒരുങ്ങുന്ന ചിത്രം സൂപ്പര്ഹിറ്റാകുമെന്നാണ് പ്രേക്ഷകര് കരുതുന്നത്. ചിത്രത്തിന്റെ പോസ്റ്റ് പ്രൊഡക്ഷൻ ജോലികള് പുരോഗമിക്കുകയാണ്. ചിത്രത്തില് വിജയ്യുടെ റോളിനെ കുറിച്ച് സൂചനകള് നല്കുകയാണ് എ ആര് മുരുഗദോസ്.
ഗൂഗിള് സിഇഒ സുന്ദര് പിച്ചൈയെ പോലുള്ള കഥാപാത്രമാണ് വിജയ്യുടെതെന്ന് എ ആര് മുരുഗദോസ് പറയുന്നത്. വിജയ്യുടെ കഥാപാത്രത്തിന്റെ പേരും സുന്ദര് എന്നുതന്നെയാണെന്നും എ ആര് മുരുഗദോസ് പറയുന്നു.
അതേസമയം തമിഴിനു പുറമേ തെലുങ്കിലും ചിത്രം പ്രദര്ശനത്തിനെത്തിക്കും എന്നും റിപ്പോര്ട്ടുണ്ട്. തെലുങ്ക് ഡബ്ബിംഗ് ജോലികള് ഉടൻ ആരംഭിക്കും.
സര്ക്കാര് ഒരു പൊളിറ്റിക്കല് ആക്ഷൻ ചിത്രമായിട്ടാണ് ഒരുക്കിയിരിക്കുന്നത്.
ചിത്രം ദിപാവലിക്ക് ആയിരിക്കും പ്രദര്ശനത്തിന് എത്തുക. എ ആര് റഹ്മാനാണ് സംഗീതസംവിധാനം നിര്വഹിക്കുന്നത്. വരലക്ഷ്മി ശരത്കുമാര് ആണ് പ്രധാന സ്ത്രീ കഥാപാത്രത്തെ അവതരിപ്പിക്കുന്നത്. തുപ്പാക്കി, കത്തി എന്ന ഹിറ്റ് ചിത്രങ്ങള്ക്ക് ശേഷം എ ആര് മുരുഗദോസും വിജയ്യും ഒന്നിക്കുന്ന ചിത്രമാണ് എന്ന പ്രത്യേകതയുമുണ്ട്.