വഞ്ചനാ കുറ്റം; നടൻ ഋത്വിക് റോഷനെതിരെ കേസെടുത്തു
- ബോളിവുഡ് നടൻ ഋത്വിക് റോഷനെതിരെ വഞ്ചനാ കുറ്റം ചുമത്തി ചെന്നൈ സിറ്റി പൊലീസ് കേസെടുത്തു. ആര്.മുരളീധരന് എന്ന വ്യക്തി നല്കിയ പരാതിയെ തുടർന്നാണ് കേസെടുത്തത്. ഋത്വിക് റോഷനും മറ്റ് എട്ട് പേർക്കെതിരെയുമാണ് കേസെടുത്തത്.
ചെന്നൈ: ബോളിവുഡ് നടൻ ഋത്വിക് റോഷനെതിരെ വഞ്ചനാ കുറ്റം ചുമത്തി ചെന്നൈ സിറ്റി പൊലീസ് കേസെടുത്തു. ആര്.മുരളീധരന് എന്ന വ്യക്തി നല്കിയ പരാതിയെ തുടർന്നാണ് കേസെടുത്തത്. ഋത്വിക് റോഷനും മറ്റ് എട്ട് പേർക്കെതിരെയുമാണ് കേസെടുത്തത്. 'സൂപ്പര് 30'-യുടെ റിലീസ് സംബന്ധിച്ച തിരക്കിലിരിക്കെയാണ് ഋത്വിക്കിനെതിരെ പരാതി.
2014 ഋത്വിക്കിന്റെ ലൈഫ് സ്റ്റൈല് ബ്രാന്ഡായ എച്ച്ആര്എക്സിന്റെ സ്റ്റോക്കിസ്റ്റായി തന്നെ നിയമിച്ചിരുന്നു. എന്നാല് താരവും മറ്റുള്ളവരും ചേര്ന്ന് ഗൂഢാലോചന നടത്തി 21 ലക്ഷം രൂപ തട്ടിച്ചെന്നാണ് പരാതിയിൽ പറയുന്നത്.
കമ്പനി ഉത്പന്നങ്ങള് കൃത്യമായി വിപണിയില് എത്തിക്കാതിരിക്കുകയും തന്റെ അറിവില്ലാതെ മാര്ക്കറ്റിംഗ് വിഭാഗം പിരിച്ചുവിടുകയും ചെയ്തുവെന്നും പരാതിയില് പറയുന്നുണ്ട്. ഐപിസി സെക്ഷന് 420 പ്രകാരമാണ് താരത്തിനെതിരെ കേസെടുത്തിരിക്കുന്നത്.