നിര്മ്മാതാവ് ആന്റണി പെരുമ്പാവൂരിനൊപ്പം ആദിയുടെ വിജയം ആഘോഷിച്ച് നടന് ദിലീപ്. ചലച്ചിത്ര നിർമാതാക്കളുടെയും തീയറ്റർ ഉടമകളുടെയും വിതരണക്കാരുടെയും സംഘടനയായ ഫിയോക്കിന്റെ കൊച്ചിയിലെ യോഗത്തിലാണ് ആദിയുടെ വിജയാഘോഷം നടന്നത്. യോഗത്തില് പങ്കെടുക്കാന് എത്തിയപ്പോഴായിരുന്നു ആദിയുടെ വിജയാഘോഷത്തിന്റെ ഭാഗമായി ദിലീപും കേക്ക് മുറിച്ചത്.
നടിയെ ആക്രമിച്ച കേസിൽ പ്രതിയായ ദിലീപ്, ജയിൽ മോചിതനാശേഷം ആദ്യമായാണ് സംഘനയുടെ യോഗത്തിൽ പങ്കെടുക്കുന്നത്. ദിലീപ് മുൻകൈയെടുത്ത് രൂപീകരിച്ച ഫിലിം എക്സിബിറ്റേഴ്സ് യുണൈറ്റഡ് ഓര്ഗനൈസേഷന് ഓഫ് കേരളയുടെ ആദ്യപ്രസിഡന്റും ദിലീപായിരുന്നു. പിന്നീട് നടിയെ ആക്രമിച്ച കേസിൽ പ്രതിയായതിനെ തുടർന്ന് ദിലീപിനെ പ്രസിഡന്റ് സ്ഥാനത്ത് നിന്ന് നീക്കുകയായിരുന്നു.
യോഗത്തിനെത്തിയെങ്കിലും വേദിയിലിരിക്കാൻ ദിലീപ് തയ്യാറായില്ല. സാധാരണ അംഗമെന്ന നിലയിൽ സദസ്സിലായിരുന്നു ദിലീപ് യോഗത്തിൽ ഇരുന്നത്. തിയേറ്റർ സമരത്തെ തുടർന്നുണ്ടായ അഭിപ്രായ വ്യത്യാസത്തിൽ ദിലീപിന്റെ നേതൃത്വത്തിൽ രൂപീകരിച്ച സംഘടനയാണ് ഫിയോക്ക്.
വീഡിയോ
