ചിത്രത്തില്‍ സന്ദീപ് സിംഗ് ആയി അഭിനയിക്കുന്നത് ദില്‍ജിത്ത് ആണ്
ഹോക്കി ഇതിഹാസം സന്ദീപ് സിംഗിന്റെ ജീവിത കഥ പ്രമേയമായി ഒരുങ്ങുന്ന ചിത്രമാണ് സൂര്മ. ചിത്രത്തില് സന്ദീപ് സിംഗ് ആയി അഭിനയിക്കുന്നത് ദില്ജിത്ത് ആണ്. അടുത്തിടെ ദില്ജിത്ത് സന്ദീപ് സിംഗിന്റെ വീട് സന്ദര്ശിച്ചിരുന്നു. വീട്ടില് വെച്ച് തനിക്ക് സന്ദീപ് സിംഗിന്റെ അച്ഛൻ നല്കിയ അമൂല്യമായ സമ്മാനം ആരാധകരുമായി പങ്കുവയ്ക്കുകയാണ് ദില്ജിത്ത്. സന്ദീപ് സിംഗിന്റെ ഹോക്കി സ്റ്റിക്ക് ആണ് ദില്ജിത്തിന് സമ്മാനമായി ലഭിച്ചത്.
പരിശ്രമിച്ചാല്, കഠിനാദ്ധ്വാനം ചെയ്താല് അസാധ്യമായതായി ഒന്നും ഇല്ലെന്ന സന്ദേശമാണ് സിനിമയിലൂടെ പകരാൻ ശ്രമിക്കുന്നതെന്ന് സന്ദീപ് സിംഗ് പറയുന്നു. എനിക്ക് ഉണ്ടായ അപകടത്തിനു ശേഷം ഞാൻ തിരിച്ചുവരുമെന്ന് ആരും കരുതിയില്ല. എന്റെ ജീവിത കഥ യുവാക്കള്ക്ക് പ്രചോദനമാകും എന്നാണ് ഞാൻ കരുതുന്നത്-- സന്ദീപ് സിംഗ് പറയുന്നു. ഹോക്കിതാരമായി സജീവമായി നില്ക്കുമ്പോള് സന്ദീപ് സിംഗിന് ട്രെയിനില് വെച്ച് അവിചാരിതമായി വെടിയേറ്റിരുന്നു. പിന്നീട് രണ്ട് വര്ഷത്തോളം വിശ്രമത്തിലായതിനു ശേഷം ഹോക്കിയിലേക്ക് വൻ തിരിച്ചുവരവാണ് സന്ദീപ് സിംഗ് നടത്തിയത്.
