ഫാഷന് ലോകത്തിന്റെ ശ്രദ്ധ പിടിച്ചുപറ്റുന്നതില് മിടുക്കിയാണ് ബോളിവുഡ് സുന്ദരി പ്രിയങ്ക ചോപ്ര. തന്റേതായ കൈയൊപ്പ് എന്നും പ്രിയങ്കയുടെ ഫാഷനില് ഉണ്ടായിരിക്കും. വീണ്ടും ഫാഷന് ലോകത്തെ ഞെട്ടിച്ചിരിക്കുകയാണ് പ്രിയങ്ക. ലോസാജല്സില് നടന്ന 69-ാമത്തെ എമ്മി അവാര്ഡ്സില് എല്ലാരുടെയും കണ്ണുടക്കിയത് പ്രിയങ്ക ചോപ്രയുടെ തൂവെളള ഗൗണിലായിരുന്നു.
അറ്റത്ത് വെളള തൂവലുകള് പിടിപ്പിച്ച തൂവെളള ഗൗണ് അണിഞ്ഞ പ്രിയങ്ക രാജികുമാരിയെ പോലെ സുന്ദരിയായിരുന്നു. പോണി ടെയില് ആയിരുന്നു പ്രിയങ്കയുടെ ഹെയര് സ്റ്റൈല്. കഴിഞ്ഞ വര്ഷം പ്രിയങ്ക അണിഞ്ഞ ചുവപ്പ് ഗൗണും ബിടൗണില് ശ്രദ്ധ പിടിച്ചുപറ്റിയതായിരുന്നു. പ്രിയങ്കയുടെ അതിമനോഹരമായി ചിത്രങ്ങള് കാണാം.
