ചൂടന് രംഗങ്ങളും കണ്ണു ചിമ്മിക്കുന്ന വയലന്സും ആക്ഷന് രംഗങ്ങളപമായി മുംബെ അധോലോകത്തിന്റെ കഥയുമായി രാം ഗോപാല് വര്മ്മയുടെ ഗണ്സ് ആന്റ് തൈസ്, വെബ് സീരീസ് വരുന്നു. സീരീസിന്റെ ട്രെയിലര് പുറത്തിറങ്ങി. മെയ് 27ന് പുറത്തിറങ്ങിയ ട്രെയിലര് 1,513,928 പേരാണ് ഇതുവരെ കണ്ടിരിക്കുന്നത്.
മുംബൈ അധോലോകത്തിന്റെ യഥാര്ത്ഥ കഥ പൂര്ണ്ണമായും സത്യസന്ധമായി പറയണമെന്നാണ് എന്റെ ആഗ്രഹം. എന്നാല് സിനിമയിലെ ചില പരിമിതി മൂലം, താന് ആഗ്രഹിക്കുന്ന പോലെ ചിത്രം ഒരുക്കാനാകുന്നില്ല. അതിനാലാണ് സിനിമയില് നിന്ന് മാറി പുതിയ മേഖലയായ വെബ് സീരീസ് സ്വീകരിച്ചതെന്ന്, രാം ഗോപാല് വര്മ്മ ട്രെയ്ലറിന്റെ ആരംഭത്തില് ആമുഖമായി പറയുന്നു.
6.50 ദൈര്ഘ്യമുള്ള ട്രെയ്ലര് ആകാംക്ഷ ജനിപ്പിക്കുന്നതാണ്. പത്ത് എപ്പിസോഡുകളുള്ള നാല് സീരീസുകളായാണ് ഗണ്സ് ആന്റ് തൈസ് ഒരുക്കിയിട്ടുള്ളത്. സമൂഹത്തിന്റെ മാറ്റത്തില് വലിയ പങ്ക് വഹിക്കുന്നത് മോശം ആളുകളാണെന്ന് സോക്രട്ടീസ് പറഞ്ഞ വാചകം ആമുഖമായി ഉപയോഗിച്ചാണ് ദാവൂദ് ഇബ്രാഹിം, ഛോട്ടാ രാജന് തുടങ്ങിയവര് അടങ്ങുന്ന മുംബൈ മാഫിയയുടെ കഥ പറയുന്ന ഗണ്സ് ആന്റ് തൈസ് ട്രെയ്ലര് തുടങ്ങുന്നത്.
