രജനീകാന്തിന്റെ പുതിയ ചിത്രം 'കാലാ'യുടെ റിലീസിംഗ് തീയതി പ്രഖ്യാപിച്ചു. ചിത്രത്തിന്റെ പുതിയ പോസ്റ്റര് പുറത്തുവിട്ടതിനൊപ്പമാണ് റിലീസിംഗ് തീയതിയും പ്രഖ്യാപിച്ചത്. നിര്മ്മാതാവായ ധനുഷ് തന്റെ ട്വീറ്ററിലൂടെയാണ് പോസ്റ്ററും റിലീസിംഗ് തീയതിയും പ്രഖ്യാപിച്ചത്. വണ്ടര്ബാര് ഫിലിംസിന്റെ ബാനറിലാണ് ചിത്രം നിര്മ്മിക്കുന്നത്. ഏപ്രില് ഏഴിനാണ് ആരാധകര് കാത്തിരിക്കുന്ന രജനി ചിത്രം കാലാ റിലീസ് ചെയ്യുന്നത്.
പാ രഞ്ജിത്താണ് ചിത്രത്തിന്റെ സംവിധായകന്. 'കബാലി'യ്കക് ശേഷം രജനീകാന്തും പാ രഞ്ജിത്തും ഒരുമിക്കുന്ന ചിത്രമാണ് 'കാലാ'. ഹുമ ഖുറേഷി, നാനാ പടേക്കര്, അഞ്ജലി പാടീല്, സുകന്യ, സമുദ്രക്കനി എന്നിവരും ചിത്രത്തില് പ്രധാന കഥാപാത്രങ്ങളെയും അവതരിപ്പിക്കുന്നു. മുംബൈ കേന്ദ്രമായ കഥയാണ് ചിത്രം പറയുന്നത്. സന്തോഷ് നാരായണാണ് ചിത്രത്തിന്റെ സംഗീതം ഒരുക്കിയിരിക്കുന്നത്. രജനിയുടെ ശങ്കര് ചിത്രം എന്തിരന് 2.0 ജനുവരിയില് ഇറങ്ങുമെന്ന് പ്രതീക്ഷിച്ചിരുന്നെങ്കിലും റിലീസ് നീട്ടി വയ്ക്കുകയായിരുന്നു.
