നവാഗതനായ ബിനു ഉലഹന്നാന്‍ തിരക്കഥയെഴുതി സംവിധാനം ചെയ്യുന്ന മെല്ലെ 20ന് തീയേറ്ററുകളില്‍ എത്തും സഹനായകനായി തിളങ്ങിയ അമിത് ചക്കാലക്കല്‍ ആദ്യമായി നായകനായി എത്തുന്നു. തനൂജ കാര്‍ത്തിക് ആണ് നായിക. കൃഷ്‍ണ പ്രഭ, ജോജു ജോര്‍ജ്, ജോയ് മാത്യു, പി ബാലചന്ദ്രന്‍ എന്നിവരും പ്രധാന കഥാപാത്രങ്ങളായി എത്തുന്നു. ത്രിയേക പ്രൊഡക്ഷന്‍സിന്‍സിന്‍റെ ബാനറില്‍ ജോണി സി ഡേവിഡ് ആണ് ചിത്രം നിര്‍മ്മിച്ചിരിക്കുന്നത്. ഛായാഗ്രഹണം സന്തോഷ് അനിമയും ചിത്രസംയോജനം സുബീഷ് സെബിസ്റ്റയുമാണ്. ഇതിനോടകം തന്നെ ശ്രദ്ധേയമായ മെല്ലെയുടെ ഗാനങ്ങള്‍ ഒരുക്കിയത് ഡോ.ഡൊണാള്‍ഡ് ആണ്. വിജയ് ജേക്കബ് ആണ് പശ്ചാത്തല സംഗീതം.