തിരുവനന്തപുരം: തിയറ്ററുകളില് ദേശീയഗാനം വയ്ക്കുന്നത് സംബന്ധിച്ച് ആദ്യമായി പ്രതികരിച്ച് നടന് മോഹന്ലാല്. തിയറ്ററുകളില് ദേശീയഗാനം കേള്പ്പിക്കുന്നത് എതിര്ക്കപ്പടേണ്ട ഒന്നല്ലെന്ന് മോഹന്ലാല് വ്യക്തമാക്കി. സിനിമയോടുള്ള ആദരം കൂടിയാണ് ഇതെന്നും അദ്ദേഹം ഒരു ടെലിവിഷന് ചാനലിന് അനുവദിച്ച അഭിമുഖത്തില് പറഞ്ഞു.
ദേശീയഗാനത്തിന്റെ പേരില് വിവാദമുണ്ടാകുന്നത് ശരിയല്ലെന്നും മോഹന്ലാല് കൂട്ടിച്ചേര്ത്തു. നോട്ട് നിരോധന വിഷയത്തില് കേന്ദ്രസര്ക്കാരിനെ പിന്തുണച്ചുകൊണ്ടെഴുതിയ ബ്ലോഗിന്റെ പേരില് താരം വിമര്ശിക്കപ്പെട്ടിരുന്നു. അതിനു പിന്നാലെയാണ് ഇപ്പോള് ദേശീയഗാന വിവാദത്തിലും ലാല് നിലപാട് പരസ്യമാക്കിയത്.
