പുതുവര്‍ഷത്തില്‍ 'ന്യൂ' കാണണം!, വീഡിയോ വൈറലാകുന്നു
പുതുവർഷ തുടക്കത്തിൽ നവവത്സര സന്ദേശവുമായി എത്തിയ " ന്യൂ " എന്ന ഹ്രസ്വ സിനിമ ശ്രദ്ധ നേടുന്നു. ഹരി പി നായർ ആണ് ചിത്രം തിരക്കഥ എഴുതി സംവിധാനം ചെയ്തിരിക്കുന്നത്.
"ഗപ്പി ' ഫെയിം ചേതൻ ഭഗത്, ഗായകനും നടനുമായ സിദ്ധാർഥ് മേനോൻ, സാധിക, ജോയി ജോൺ എന്നിവരാണ് ചിത്രത്തിൽ മുഖ്യ കഥാപാത്രങ്ങളെ അവതരിപ്പിക്കുന്നത്. നാട്ടിൻപുറവും നഗരവും പുതിയ വർഷത്തെ വരവേൽക്കുവാൻ ഒരുങ്ങുന്ന പുലരിയിൽ രണ്ട് ചെറുപ്പക്കാർ നടത്തുന്ന കാർ യാത്രയിലൂടെ ആണ് ' ന്യൂ ' എന്ന ഹ്രസ്വ സിനിമയുടെ കഥ വികസിക്കുന്നത്.
നിധിൻ തളിക്കുളം ഛായാഗ്രഹണം നിർവ്വഹിച്ചിരിക്കുന്നു. ഉദയ് ശങ്കരൻ വാട്ടർമാൻ ആണ് ക്രിയേറ്റീവ് ഹെഡ്. പ്രേം സായ് എഡിറ്റിംഗും മധു പോൾ സംഗീതവും ഒരുക്കിയിരിക്കുന്നു. അള്‍ടിമേറ്റ് ഡിറ്റേയിലേഴ്സ് ആണ് ചിത്രം നിര്‍മ്മിച്ചിരിക്കുന്നത്.
Last Updated Oct 5, 2018, 1:38 AM IST
