ഒരു പെണ്കുട്ടിയുടെ അച്ഛനായി നിവിന് പോളി. ഫേസ്ബുക്കിലൂടെയാണ് അദ്ദേഹം വിവരമറിയിച്ചത്. 'ഇറ്റ്സ് എ ഗേള്' എന്നെഴുതിയ ബലൂണിന്റെ ചിത്രമാണ് നിവിന് ഫേസ്ബുക്കില് പോസ്റ്റ് ചെയ്തിരിക്കുന്നത്. നിവിനും ഭാര്യ റിന്നയ്ക്കും ഒരു മകനുണ്ട്.
ദാവീദ് എന്ന് പേരിട്ടിരിക്കുന്ന കുട്ടിക്ക് അഞ്ച് വയസ്സുണ്ട്. 2010 ഓഗസ്റ്റ് 28നായിരുന്നു ഇരുവരുടെയും വിവാഹം. ഫിസാറ്റ് എഞ്ചിനീയറിംഗ് കോളെജില് പഠിക്കുമ്പോള് ആരംഭിച്ച സൗഹൃദമാണ് വിവാഹത്തിലേക്കെത്തിയത്.
സിദ്ധാര്ത്ഥ ശിവയുടെ 'സഖാവാ'ണ് നിവിന്റേതായി അവസാനം തീയേറ്ററുകളിലെത്തിയ ചിത്രം. ഗൗതം രാമചന്ദ്രന്റെ തമിഴ് ചിത്രം 'റിച്ചി'യാണ് അടുത്തതായി തീയേറ്ററുകളിലെത്താനുള്ള നിവിന് പോളി ചിത്രം.
