തമിഴ്നാട് സര്ക്കാരിനെതിരെ രൂക്ഷമായ വിമര്ശനവുമായി നടന് കമല്ഹാസന്. മദ്യം വില്ക്കുന്നതല്ല സര്ക്കാരിന്റെ പണിയെന്ന് കമല്ഹാസന് പറഞ്ഞു. തമിഴ്നാട് സ്റ്റേറ്റ് മാര്ക്കറ്റിങ് കോര്പറേഷന് മുഖേന മദ്യം വില്ക്കുന്ന സര്ക്കാരിന്റെ തീരുമാനത്തിനെതിരെയാണ് വിമര്ശനം. മാട്രാന് ഫൗണ്ടേഷന്റെ നേതൃത്വത്തില് വിദ്യാര്ഥികള്ക്കായി ചെന്നൈയില് നടത്തിയ പ്രോഗ്രാമിലായിരുന്നു കമല്ഹാസന്റെ പ്രതികരണം.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
മദ്യം വില്ക്കുന്നതല്ല സര്ക്കാരിന്റെ പണി. ആരോഗ്യം, വിദ്യാഭ്യാസം തുടങ്ങിയ മേഖലകളില് ശ്രദ്ധിക്കുകയാണ് സര്ക്കാര് ചെയ്യേണ്ടതെന്നും കമല്ഹാസന് പറഞ്ഞു. ചുറ്റും നടക്കുന്ന കാര്യങ്ങളെ കുറിച്ച് യുവാക്കള്ക്ക് വ്യക്തമായ അവബോധം ആവശ്യമാണ്. ഉചിതമായ സമയത്ത് നേതൃത്വത്തിലേക്ക് ഉയരാന് വീക്ഷണ പാടവം സഹായിക്കുമെന്നും വിദ്യാര്ഥികളോട് കമല്ഹാസന് പറഞ്ഞു.
