ഫുട്ബോളിനെ ഏറെ സ്നേഹിക്കുന്ന എട്ട് വയസുകാരിയായ മുസ്ലിം പെണ്കുട്ടിയും അവളുടെ ഉമ്മൂമ്മയും തമ്മിലുള്ള ആത്മബന്ധത്തിന്റെ കഥയാണ് പന്തിലൂടെ ആദി പറയുന്നത്.
ഫുട്ബോളിന്റെ പശ്ചാത്തലത്തിൽ പുതുമുഖ സംവിധായകൻ ആദി രചനയും സംവിധാനവും നിർവ്വഹിക്കുന്ന പന്ത് എന്ന ചിത്രത്തിന്റെ ടീസർ പുറത്തിറങ്ങി. പേര് സൂചിപ്പിക്കും പോലെ തന്നെ ഫുട്ബോളാണ് സിനിമയുടെ പ്രമേയം. ഫുട്ബോളിനെ ഏറെ സ്നേഹിക്കുന്ന എട്ട് വയസുകാരിയായ മുസ്ലിം പെണ്കുട്ടിയും അവളുടെ ഉമ്മൂമ്മയും തമ്മിലുള്ള ആത്മബന്ധത്തിന്റെ കഥയാണ് പന്തിലൂടെ ആദി പറയുന്നത്.
2016ൽ മികച്ച ബാലതാരത്തിനുള്ള സംസ്ഥാന അവാര്ഡ് നേടിയ അബനി ആദി കേന്ദ്ര കഥാപാത്രത്തെ അവതരിപ്പിക്കുന്നു. ഉമ്മൂമ്മയെ അവതരിപ്പിക്കുന്നത് മുൻ ആകാശവാണി ആർട്ടിസ്റ്റ് ആയിരുന്ന റാബിയ ബീഗം ആണ്. വീനിത്, ഇന്ദ്രൻസ്, നെടുമുടി വേണു, അജു വർഗീസ്, സുധീഷ്, സുധീർ കരമന, പ്രസാദ് കണ്ണൻ, വിനോദ് കോവൂർ തുടങ്ങി വലിയ താര നിരയാണ് ചിത്രത്തിലുളളത്.
പന്തിലെ ഷംസുദ്ദീൻ പി കുട്ടോത്ത് വരികളെഴുതി ജാസി ഗിഫ്റ്റും ഇഷാൻ ദേവും ചേർന്ന് ആലപിച്ച ഗാനം നേരത്തെ പുറത്തിറങ്ങിരുന്നു.
