കൊച്ചി: തിരക്കഥാകൃത്ത് ബാബു ജനാര്ദ്ദനന് സംവിധാനം ചെയ്യുന്ന ചിത്രത്തില് പൃഥ്വിരാജ് നായകനാകുന്നു. ചിത്രത്തില് അഞ്ച് നായികമാരാണ് പൃഥ്വിക്ക്. ദുബായ് ആണ് ചിത്രത്തിന്റെ ലൊക്കേഷന്. അവിടുത്തെ ചൂട് സീസണ് കഴിഞ്ഞാല് സിനിമയുടെ ചിത്രീകരണം തുടങ്ങും.
മമ്മൂട്ടി ചിത്രമായ ബോംബെ മാര്ച്ച് 12, ലിസമ്മയുടെ വീട്, ഗോഡ് ഫോര് സെയില് എന്നീ ചിത്രങ്ങള്ക്ക് ശേഷം ബാബു ജനാര്ദ്ദനന് സംവിധാനം ചെയ്യുന്ന ചിത്രമാണിത്. പൃഥ്വിരാജിന് മികച്ച നടനുള്ള സംസ്ഥാന പുരസ്കാരം ആദ്യമായി നേടിക്കൊടുത്ത കഥാപാത്രത്തെ സൃഷ്ടിച്ച എഴുത്തുകാരനാണ് ബാബു ജനാര്ദ്ദനന്.
ബാബു ജനാര്ദ്ദനന് തിരക്കഥ എഴുതിയ അച്ഛനുറങ്ങാത്ത വീട്, തലപ്പാവ്, സിറ്റി ഓഫ് ഗോഡ് തുടങ്ങിയ ചിത്രങ്ങളിലും പൃഥ്വി അഭിനയിച്ചിട്ടുണ്ട്. ബിജു മേനോന് നായകനാകുന്ന വെള്ളിക്കടുവയാണ് ബാബു ജനാര്ദ്ദനന്റെ തിരക്കഥയില് പുറത്തിറങ്ങാനിരിക്കുന്ന ഏറ്റവും പുതിയ ചിത്രം.
