ദില്ലി: ഒരു അഡാര് ലവ് എന്ന ചിത്രത്തിലെ പാട്ട് മതവികാരം വ്രണപ്പെടുത്തിയെന്ന പരാതിയില് കേസ് രജിസ്റ്റര് ചെയ്ത സംഭവത്തില് നടി പ്രിയ വാര്യര് സുപ്രീം കോടതിയെ സമീപിച്ചു. തെലുങ്കാന പോലീസ് രജിസ്റ്റര് ചെയ്ത കേസിന് എതിരെയാണ് പ്രിയ സുപ്രീം കോടതിയെ സമീപിച്ചത്. കേസ് അഭിപ്രായ സ്വാതന്ത്ര്യത്തെ ഹനിക്കുന്നതാണെന്നാണ് പ്രിയയുടെ ഹര്ജിയില് പറയുന്നത്.
പ്രിയക്ക് പുറമെ സംവിധായകന് ഒമര് ലുലുവും സുപ്രീം കോടതിയെ സമീപിച്ചിട്ടുണ്ട്. അഭിഭാഷകന് ഹാരിസ് ബീരനാണ് പ്രിയ വാരിയരുടെ ഹര്ജി ഫയല് ചെയ്തത്. മാണിക്യമലരായ പൂവി എന്നു തുടങ്ങുന്ന വരികള് മതവികാരം വ്രണപ്പെടുത്തിയെന്ന് ചൂണ്ടിക്കാട്ടിയാണ് ഹൈദരാബാദിലെ ഒരു കൂട്ടം മുസ്ലിം യുവാക്കള് പോലീസില് പരാതി നല്കിയത്.
