ബോള്ഡ് ആന്റ് ബ്യൂട്ടിഫുള് എന്ന് വിളിപ്പേരുള്ള നടിയാണ് രമ്യാ നമ്പീശന്. നല്ലൊരു നായിക മാത്രമല്ല, ഗായിക കൂടിയാണെന്ന് പലവട്ടം തെളിയിച്ച രമ്യാ ഇപ്പോള് തമിഴ്സിനിമയിലും തന്റെ ശബ്ദമാധുര്യം
അറിയിച്ചിരിക്കുകയാണ്.
'സത്യ' എന്ന ചിത്രത്തിലെ യവ്വ്ന എന്ന ഗാനത്തിന്റെ കവർ വേർഷനാണ് ചിത്രത്തിലെ നായിക കൂടിയായ രമ്യ ആലപിച്ചത്. റിലീസ് ചെയ്ത് മണിക്കൂറുകൾക്കുള്ളിൽ ഈ ഗാനം ഒരു ലക്ഷത്തോളം ആളുകൾ കണ്ടുകഴിഞ്ഞു. യാസിൻ നിസാറിനൊപ്പമാണ് രമ്യ ഈ ഗാനം ആലപിച്ചത്. കവർ വേർഷന്റെ ക്യാമറയും സംവിധാനവും ചെയ്തത് പ്രദീപ് കളിയപുറത്താണ്.
സൈമൺ കിംഗ് ആണ് സംഗീത സംവിധാനം. സിബിരാജ്, രമ്യ നമ്പീശൻ എന്നിവർ പ്രധാനവേഷങ്ങളിലെത്തുന്ന ചിത്രം സംവിധാനം ചെയ്തിരിക്കുന്നത് പ്രദീപ് കൃഷ്ണമൂർത്തിയാണ്. നവംബർ ആദ്യവാരം സിനിമ റിലീസ് ചെയ്യും.
