ഒരേ സമയം മൂന്ന് ബന്ധങ്ങൾ തുടർന്നിരുന്നുവെന്ന് തുറന്നുപറഞ്ഞ് സഞ്ജയ് ദത്ത്
ഒരേ സമയം മൂന്ന് പ്രണയബന്ധമുണ്ടായിരുന്നുവെന്ന് തുറന്നുപറഞ്ഞ് ബോളിവുഡ് താരം സഞ്ജയ് ദത്ത്. ഡൽഹിയിൽ നടന്ന ചടങ്ങിലാണ് താരം മുമ്പെങ്ങും പറയാത്ത രീതിയിൽ കരിയറിലെ ആദ്യകാലഘട്ടവും അക്കാലത്തെ ബന്ധങ്ങളും പങ്കുവെച്ചത്. ഹിന്ദി സിനിമാ മേഖലയിൽ തനിക്കുണ്ടായിരുന്ന പ്ലേബോയ് ഇമേജിനെ കുറിച്ചും അദ്ദേഹം പറഞ്ഞു.
ഹിന്ദി സിനിമയിൽ തന്‍റെ കരിയറിന്‍റെ ആദ്യകാലങ്ങളിൽ പല നടിമാരുമായും ബന്ധമുണ്ടായിരുന്നുവെന്നും സഞ്ജയ് ദത്ത് പറഞ്ഞു. എപ്പോഴെങ്കിലും രണ്ട് പേരുമായി ബന്ധമുണ്ടായിരുന്നോ എന്ന ചോദ്യത്തിനുള്ള മറുപടിയിലാണ് ഒരേ സമയം മൂന്ന് പേരുമായി ഉണ്ടായിരുന്ന ബന്ധം തുറന്നുപറഞ്ഞത്.
ഒരേ സമയം ഇൗ മൂന്ന് പേരെ മാനേജ് ചെയ്തെന്ന സംശയത്തിന് താരം നൽകിയ മറുപടി ഇങ്ങനെ ‘ ഒരാൾക്കൊപ്പം എന്ത് സംഭവിക്കുന്നുവെന്ന് മറ്റെയാൾ അറിയില്ല’. പ്ലേ ബോയ് ഇമേജ് ആളുകൾ, പ്രത്യേകിച്ച് സ്ത്രീകൾ ഇഷ്ടപ്പെട്ടിരുന്നുവെന്നും ദത്ത് പറയുന്നു.
