മണിരത്നം സിനിമയിൽ ഫഹദിനെ തഴഞ്ഞത് 'അപ്പാനി രവി'യ്ക്കായി
തമിഴ് സിനിമയിലെ മുൻനിര താരങ്ങളെ വെച്ച് മണിരത്നം സംവിധാനം ചെയ്യുന്ന മൾട്ടിസ്റ്റാർ ചിത്രത്തിൽ അങ്കമാലി ഡയറീസിലൂടെ ശ്രദ്ധേയനായ ശരത് ഇടം നേടി. അങ്കമാലി ഡയറീസിലെ വില്ലന് കഥാപാത്രത്തെ അനായാസം കൈകാര്യം ചെയ്ത ശരതിന്റെ രണ്ടാമത്തെ തമിഴ് ചിത്രമാണ് മണിരത്നം ചിത്രം. മണിരത്നം ടീം ഈ വാർത്ത സ്ഥിരീകരിച്ചു.
നേരത്തെ പ്രതിഫലം സംബന്ധിച്ചുള്ള അഭിപ്രായ വ്യത്യാസത്തെ തുടർന്ന് ഫഹദ് ഫാസിൽ ചിത്രത്തിൽ നിന്ന് പിന്മാറിയെന്നാണ് ഇന്ത്യന് എക്സ്പ്രസ് പോലുള്ള മാധ്യമങ്ങള് റിപ്പോര്ട്ട് ചെയ്യുന്നത്. എന്നാല് ഇതില് ഒരു വിശദീകരണം ചിത്രത്തിന്റെ നിര്മ്മാതാക്കളായ മദ്രാസ് ടാക്കീസില് നിന്നോ ഫഹദില് നിന്നോ ഉണ്ടായിരുന്നില്ല.
അരവിന്ദ് സാമി, വിജയ് സേതുപതി, ചിമ്പു, ജ്യോതിക, ഐശ്വര്യ രാജേഷ് എന്നീ വൻതാരങ്ങൾ അണിനിരക്കുന്ന മണിരത്നത്തിന്റെ പുതിയ ചിത്രം നേരത്തെ തന്നെ വൻ വാർത്താ പ്രാധാന്യം നേടിയിരുന്നു. ചിത്രത്തിലെ വൻതാരസാന്നിധ്യം തന്നെയായിരുന്നു പ്രൊജക്ടിന് ഇത്രയേറെ വാർത്താ പ്രാധാന്യം നൽകിയത്.
ചെക്ക ശിവന്ത വാനം എന്നാണ് സിനിമയുടെ പേര്. അതിഥി റാവുവും സുപ്രധാനവേഷത്തിൽ എത്തുന്നുണ്ട്. താരങ്ങളെല്ലാം തങ്ങളുടെ ഏഴ് മാസത്തെ ഡേറ്റാണ് സിനിമയ്ക്കായി നൽകിയിരിക്കുന്നാണ് സൂചന. മാർച്ചിൽ സിനിമയുടെ ചിത്രീകരണം ആരംഭിക്കും.