ബോളിവുഡ് താരം സോനം കപൂറിനെതിരെ വീണ്ടും ട്രോള് പെരുമഴ. ട്രോള് ആക്രമണത്തെ കുറിച്ച് എഴുതിയ ലേഖനമാണ് സോനം കപൂറിനെ കുരുക്കിലാക്കിയത്. . ഹിന്ദുസ്ഥാന് ടൈംസിന്റെ ലെറ്റ്സ് ടോക്ക് എബൗട്ട് ട്രോള്സ് എന്ന കാമ്പയിനിന്റെ ഭാഗമായി സോനം എഴുതിയ പരാമര്ശമാണ് വിഷയമായത്.
'എന്റെ രാജ്യത്തെ ഞാന് സനേഹിക്കുന്നു. എന്റെ അഭിപ്രായങ്ങള് പറയുന്നത് കൊണ്ടും ചോദ്യങ്ങള് ചോദിക്കുന്നത് കൊണ്ടും ഞാന് രാജ്യദ്രോഹിയാകാം. ദേശീയഗാനം ഒന്നുകൂടി കേള്ക്കൂ.. കുട്ടിയായിരുന്നപ്പോള് കേട്ട ആ വരികള് ഓര്ത്തെടുക്കൂ... ഹിന്ദു, മുസ്ലീം, സിഖ്...' -ഇങ്ങനെയായിരുന്നു ലേഖനത്തില് സോനത്തിന്റെ പരാമര്ശം. എന്നാല് ദേശീയ ഗാനത്തില് എവിടെയാണ് ഹിന്ദു മുസ്ലീം സിഖ്... എന്ന വരികള് ഉള്ളതെന്ന് സോഷ്യല് മീഡിയയില് വിമര്ശകര് ചോദിക്കുന്നു. സോനത്തിന് ദേശീയ ഗാനം അറിയില്ല, സ്കൂള് കാലത്ത് മാത്രമായിരിക്കും സോനം കപൂര് ദേശീയ ഗാനം കേട്ടിട്ടുണ്ടാകുക എന്നുമാണ് വിമര്ശം.
