മമ്മൂട്ടി ആരാധകര് ഏറെ പ്രതീക്ഷയോടെ കാത്തിരിക്കുന്ന സിനിമയാണ് ദ ഗ്രേറ്റ് ഫാദര്. ഡേവിഡ് നൈനാന് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. സിനിമയുടെ പുതിയ ടീസര് പുറത്തിറങ്ങി. ഡേവിഡ് നൈനാനെ കുറിച്ച് മകള് പറയുന്ന രംഗമാണ് പുതിയ ടീസറിലുള്ളത്.
ഹനീഫ് അദെനിയാണ് സിനിമ സംവിധാനം ചെയ്യുന്നത്. സ്നേഹയാണ് സിനിമയിലെ നായിക. മണികണ്ഠന് ആചാരി, ഐ എം വിജയന് സാറാ അര്ജുന് തുടങ്ങിയവരും സിനിമയിലുണ്ട്. ഓഗസ്റ്റ് സിനിമയുടെ ബാനറില് പൃഥ്വിരാജ്, ഷാജി നടേശന്, സന്തോഷ് ശിവന് എന്നിവരാണ് ദ ഗ്രേറ്റ് ഫാദര് നിര്മ്മിക്കുന്നത്.
