ടൊവിനോ തോമസിനെ നായകനാക്കി ആഷിഖ് അബു സംവിധാനം ചെയ്യുന്ന മായാനദിയുടെ ട്രെയിലര് പുറത്തിറങ്ങി. ഐശ്വര്യ ലക്ഷ്മിയാണ് നായികയായി എത്തുന്നത്. അമല് നീരദിന്റെ കഥയ്ക്ക് ശ്യാം പുഷ്കരനും ദിലീഷ് നായരും ചേര്ന്നാണ് തിരക്കഥ.
അമല് നീരജദ് പ്രൊഡക്ഷനില് ആഷിഖ് അബുവിന്റെ നേതൃത്വത്തില് ഒപി എം ഡ്രീംമില് സിനിമാസും ചേര്ന്നാണ് നിര്മാണം. ജയേഷ് മോഹനാണ് ഛായാഗ്രാഹകന്. സോള്ട്ട് ആന്ഡ് പെപ്പര്,ഡാ തടിയാ, ഇടുക്കി ഗോള്ഡ് എന്നി സിനിമ ശ്യാമും ദിലീശും ഒരുമിച്ച് രചന നിര്വഹിക്കുന്ന ചിത്രം കൂടിയാണിത്.
റെക്സ് വിജയന് സംഗീത സംവിധാനവും സൈജു ശ്രീധരന് എഡിറ്റിംഗും നിര്വഹിക്കും. മായാനദി ക്രിസ്മസിന് തിയേറ്റുകളില് എത്തുമെന്നാണ് വാര്ത്തകള് വരുന്നത്. സംവിധായകരായ ലിജോ ജോസ് പല്ലിശ്ശേരി, ബേസിൽ ജോസഫ്, ഖാലിദ് റഹ്മാൻ (അനുരാഗ കരിക്കിൻവെള്ളം) എന്നിവർക്കൊപ്പം അപർണ ബാലമുരളി, ഉണ്ണിമായ, നിഴൽകൾ രവി, സൗബിൻ സാഹിർ, ഹരിഷ് ഉത്തമൻ തുടങ്ങി വലിയൊരു താരനിര തന്നെ ചിത്രത്തിലുണ്ട്.
റെക്സ് വിജയന്റേതാണ് സംഗീതം. ഛായാഗ്രഹണം ജയേഷ് മോഹൻ. വസ്ത്രാലങ്കാരം സമീറ സനീഷ്. ഒപിഎം പ്രൊഡക്ഷൻസിന്റെ ബാനറിൽ ആഷിക് അബു തന്നെയാണ് നിർമാണം.
