പ്രേക്ഷകര്ക്ക് ഏറെ ഇഷ്ടമുള്ള നടന്മാരാണ് വിനീത് ശ്രീനിവാസവും, ശ്രീനിവാസനും. ഇരുവരും ഒന്നിച്ച് ഒട്ടേറെ ചിത്രങ്ങളില് തകര്ത്ത് അഭിനയിച്ചിട്ടുണ്ട്. ഏറെ നാളുകള്ക്ക് ശേഷം ഇരുവരും ഒന്നിച്ചെത്തുകയാണ്. 'അരവിന്ദന്റെ അതിഥികള്' എന്ന ചിത്രത്തിലാണ് ഇരുവരും ഒന്നിച്ചെത്തുന്നത്. സിനിമയുടെ ചിത്രീകരണം ശനിയാഴ്ച ആരംഭിച്ചു.
''ഇന്നലെ പുതിയ സിനിമയുടെ ചിത്രീകരണം ആരംഭിച്ചു. സിനിമയുടെ പേര് അരവിന്ദന്റെ അതിഥികള് ഏറെ നാളുകള്ക്ക് ശേഷം അച്ഛനോടൊപ്പം അഭിനയിക്കുന്ന സിനിമ. ഒരു മികച്ച സിനിമ ജനിക്കട്ടെ എന്നാഗ്രഹിക്കുന്നു... പ്രാര്ത്ഥിക്കുന്നു''.. വിനീത് ശ്രീനിവാസനാണ് ഇതുസംബന്ധിച്ച വിവരം ഫേസ്ബുക്കിലൂടെയാണ് പുറത്തുവിട്ടത്. എം മോഹനാണ് ചിത്രം സംവിധാനം ചെയ്യുന്നത്. ശാന്തികൃഷ്ണ, ഉര്വ്വശി എന്നിവര് നീണ്ട വര്ഷങ്ങള്ക്കു ശേഷം വീണ്ടും ഒന്നിച്ചഭിനയിക്കുന്നുവെന്ന പ്രത്യേകതയും സിനിമയ്ക്കുണ്ട്.
പതിയാറ എന്റര്ടെയിന്മെന്റിന്റെ ബാനറില് പ്രദീപ് കുമാര് നിര്മ്മിക്കുന്ന സലീംകുമാര്, ഷമ്മി തിലകന്, ദേവന്, ബിജുക്കുട്ടന്, നിയാസ് ബക്കര്, സുബീഷ് സുധി, കെപിഎസി ലളിത, സ്നേഹ ശ്രീകുമാര് എന്നിവരാണ് മറ്റു പ്രമുഖ താരങ്ങള്.
രചന -രാജേഷ് രാഘവന്, ക്യാമറ- സ്വരൂപ് ഫിലിപ്പ്, സംഗീതം- ഷാന് റഹ്മാന്, എഡിറ്റിംഗ് രഞ്ജന് എബ്രാഹം,ആര്ട്ട് -നിമേഷ് താനൂര്, മേക്കപ്പ്- ഹസ്സന് വണ്ടൂര്, വസ്ത്രാലങ്കാരം -കുമാര് എടപ്പാള്, പ്രൊഡക്ഷന് കണ്ട്രോളര്- ഷാഫി ചെമ്മാട്. പി ആര് ഒ- എ എസ് ദിനേശ്.
