കാത്തിരിപ്പിനൊടുവില് തമിഴകത്തിന്റെ തല അജിത്തിന്റെ പുതിയ ചിത്രം വിവേഗത്തിന്റെ ട്രെയിലര് എത്തി. സിരുതൈ ശിവയാണ് സംവിധാനം. റെക്കോഡ് വ്യൂ ആണ് തലയുടെ 25മത്തെ ചിത്രത്തിന്റെ ട്രെയിലര് യൂട്യൂബില് ഉണ്ടാക്കുന്നത്. 2 മിനുട്ടില് ഏറെയുള്ള ട്രെയിലര് മുഴുവന് തല ഷോ തന്നെയാണ്.
ഒരു ഇന്റര്പോള് ഓഫീസറായി അജിത്ത് എത്തുന്ന ചിത്രത്തില് കാജല് അഗര്വാളാണ് നായിക. വേതാളത്തിന് ശേഷം അനിരുദ്ധ് രവിചന്ദര് സംഗീതം നിര്വഹിക്കുന്നു. ബോളിവുഡ് താരം വിവേക് ഒബ്റോയി ആണ് വില്ലന് റോളില്.
വീരം, വേതാളം എന്നീ ചിത്രങ്ങള്ക്ക് ശേഷം അജിത്തിനെ നായകനാക്കി സിരുത്തൈ ശിവ സംവിധാനം ചെയ്യുന്ന ചിത്രമാണ് വിവേഗം. സത്യജ്യോതി ഫിലിംസാണ് വിവേഗം നിര്മ്മിക്കുന്നത്.
