കാവ്യ മാധവന്‍റെ 'ഫേസ്ബുക്ക് വ്യാജന്‍' കുടുങ്ങി
കൊച്ചി: കാവ്യാ മാധവന്‍റെ പേരില്‍ വ്യാജ ഫേസ്ബുക്ക് അക്കൗണ്ട് തുടങ്ങിയ യുവാവിനെ പോലീസ് പിടിച്ചു. പത്തനംതിട്ട സ്വദേശി അരവിന്ദ് ബാബുവിനെയാണ് കൊച്ചി സിറ്റി പോലീസ് അറസ്റ്റ് ചെയ്തത്. സിറ്റി പോലീസ് കമ്മീഷണര്‍ എം.പി ദിനേശിന് കാവ്യ നല്‍കിയ പരാതിയുടെ അടിസ്ഥാനത്തിലാണ് നടപടി.
കാവ്യയുടെ പേരും ചിത്രങ്ങളും ദുരുപയോഗം ചെയ്തതിന് പുറമെ അശ്ലീല ചുവയുള്ള കമന്റുകളും പോസ്റ്റുകളും ഈ അക്കൗണ്ട് വഴി ഇയാള്‍ പ്രചരിപ്പിച്ചിരുന്നതായി പോലീസ് പറയുന്നു. നാല് വര്‍ഷമായി വ്യാജ അക്കൗണ്ട് ഇയാള്‍ പ്രവര്‍ത്തിച്ചു വരികയായിരുന്നു.
സൈബര്‍ സെല്ലിന്‍റെ അന്വേഷണത്തില്‍ കാവ്യയുടെ പേരില്‍ പന്ത്രണ്ടോളം വ്യാജ അക്കൗണ്ടുകള്‍ പ്രവര്‍ത്തിക്കുന്നതായി കണ്ടെത്തി. ഈ അക്കൗണ്ടുകളും നിരീക്ഷണത്തിലാണെന്ന് പോലീസ് വ്യക്തമാക്കി.
Last Updated Oct 4, 2018, 4:17 PM IST
