ദിവസവും നിലക്കടല കഴിക്കാറുണ്ടോ? എങ്കില്, നിങ്ങളറിയേണ്ടത്...
പൊട്ടാസ്യം, സോഡിയം, മഗ്നീഷ്യം, ഫോസ്ഫറസ്, കോപ്പര് തുടങ്ങിയവയും ഇവയില് അടങ്ങിയിട്ടുണ്ട്. മിതമായ അളവില് ദിവസവും നിലക്കടല കഴിക്കുന്നത് ആരോഗ്യത്തിന് നല്ലതാണ് എന്നാണ് ആരോഗ്യ വിദഗ്ധര് പറയുന്നത്.
![advantages of having peanut daily advantages of having peanut daily](https://static-ai.asianetnews.com/images/01hm8rpm7myze556qj8kqg44qn/fotojet--39-_363x203xt.jpg)
നിലക്കടല കഴിക്കാന് എല്ലാവര്ക്കും ഇഷ്ടമാണ്. വിറ്റാമിനുകളും മിനറലുകളും ആന്റി ഓക്സിഡന്റുകളും നാരുകളും പ്രോട്ടീനും ആരോഗ്യകരമായ കൊഴുപ്പുകളും കൊണ്ട് സമ്പന്നമാണ് നിലക്കടല. പൊട്ടാസ്യം, സോഡിയം, മഗ്നീഷ്യം, ഫോസ്ഫറസ്, കോപ്പര് തുടങ്ങിയവയും ഇവയില് അടങ്ങിയിട്ടുണ്ട്. മിതമായ അളവില് ദിവസവും നിലക്കടല കഴിക്കുന്നത് ആരോഗ്യത്തിന് നല്ലതാണ് എന്നാണ് ആരോഗ്യ വിദഗ്ധര് പറയുന്നത്.
ആരോഗ്യകരമായ കൊഴുപ്പുകൾ അടങ്ങിയ നിലക്കടല ചീത്ത കൊളസ്ട്രോളിനെ കുറയ്ക്കാനും നല്ല കൊളസ്ട്രോള് കൂട്ടാനും ഹൃദയാരോഗ്യം സംരക്ഷിക്കാനും സഹായിക്കും. ഫൈബര് ധാരാളം അടങ്ങിയതാണ് നിലക്കടല. അതിനാല് പ്രമേഹ രോഗികള്ക്കും ഇവ കഴിക്കാം. രക്തത്തിലെ പഞ്ചസാരയുടെ അളവ് നിയന്ത്രിക്കാന് ഇവ സഹായിക്കും. നിലക്കടലയുടെ ഗ്ലൈസെമിക് ഇൻഡക്സ് കുറവാണ്.
ഫൈബര് ധാരാളം അടങ്ങിയിട്ടുളളതിനാല് തന്നെ ദഹനം മെച്ചപ്പെടുത്താനും നിലക്കടല സഹായിക്കും. നാരുകള് അടങ്ങിയ നിലക്കടല കഴിക്കുന്നത് വയര് പെട്ടെന്ന് നിറയ്ക്കാനും അതുവഴി വണ്ണം കുറയ്ക്കാനും സഹായിക്കും. ആന്റി ഓക്സിഡന്റുകളും വിറ്റാമിന് ഇയും അടങ്ങിയ നിലക്കടല ചര്മ്മത്തിന്റെ ആരോഗ്യത്തിനും നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: നോൺ ആൽക്കഹോളിക് ഫാറ്റി ലിവറിനെ തടയാന് ഡയറ്റില് ശ്രദ്ധിക്കേണ്ട കാര്യങ്ങള്...