നാം ഭക്ഷണങ്ങളില് ഉപയോഗിക്കുന്ന മിക്ക സുഗന്ധവ്യജ്ഞനങ്ങളും വണ്ണം കുറയ്ക്കാന് സഹായിക്കുമെന്നാണ് വിദഗ്ധര് പറയുന്നത്. പല രോഗങ്ങളെയും ശമിപ്പിക്കാനുള്ള കഴിവ് ഇവയ്ക്കുണ്ട്.
അമിതവണ്ണം പല ആരോഗ്യപ്രശ്നങ്ങള്ക്കും കാരണമാകുമെന്ന് എല്ലാവര്ക്കും അറിയാം. വണ്ണം കുറയ്ക്കാനുള്ള (weight loss) ശ്രമങ്ങളില് പ്രധാനം ഭക്ഷണം (food) തന്നെയാണ്. അതിനാല് ഒരു ഡയറ്റീഷന്റെ (dietitian) സഹായത്തോടെ കൃത്യമായ ഡയറ്റ് (diet) പാലിക്കേണ്ടതുണ്ട്. ഒപ്പം കൃത്യമായി വ്യായാമവും (exercise) ചെയ്യണം.
നാം ഭക്ഷണങ്ങളില് ഉപയോഗിക്കുന്ന മിക്ക സുഗന്ധവ്യജ്ഞനങ്ങളും വണ്ണം കുറയ്ക്കാന് സഹായിക്കുമെന്നാണ് വിദഗ്ധര് പറയുന്നത്. പല രോഗങ്ങളെയും ശമിപ്പിക്കാനുള്ള കഴിവ് ഇവയ്ക്കുണ്ട്. അത്തരത്തില് വണ്ണം കുറയ്ക്കാന് ഡയറ്റില് ഉള്പ്പെടുത്തേണ്ട ചില സുഗന്ധവ്യജ്ഞനങ്ങളെ പരിചയപ്പെടാം.
ഒന്ന്...
ജീരകമാണ് ആദ്യമായി ഈ പട്ടികയില് ഉള്പ്പെടുന്നത്. ശരീരഭാരം കുറയ്ക്കാന് ആഗ്രഹിക്കുന്നവര്ക്ക് ഏറ്റവും മികച്ചതാണ് ജീരകം. വെറും വയറ്റിൽ ജീരക വെള്ളം പതിവായി കുടിക്കുന്നത് ശരീരത്തില് നിന്ന് അമിത കൊഴുപ്പ് കുറയ്ക്കാനും വേഗത്തിൽ ശരീരഭാരം കുറയ്ക്കാനും സഹായിക്കും. ജീരകത്തില് കലോറി വളരെ കുറവാണ്. ഒരു ടീസ്പൂണ് ജീരകത്തില് എട്ട് കലോറി മാത്രമാണ് അടങ്ങിയിട്ടുള്ളത്. അതിനാല് ജീരകം ഡയറ്റിന്റെ ഭാഗമാക്കാം. ജീരക വെള്ളം കുടിക്കുന്നത് ദഹനത്തിനും ശരീരത്തില് നിന്ന് വിഷവസ്തുക്കളെ പുറന്തള്ളുന്നതിനും സഹായകമാകും.
രണ്ട്...
കുരുമുളക് ആണ് അടുത്തതായി ഈ പട്ടികയില് ഉള്പ്പെടുന്നത്. ഭക്ഷണത്തില് രുചി കൂട്ടുന്നതോടൊപ്പം നിരവധി ഗുണങ്ങൾ കുരുമുളകിനുണ്ട്. വിറ്റാമിൻ എ, കെ, സി, കാത്സ്യം, പൊട്ടാസ്യം, സോഡിയം എന്നിവയാൽ സമ്പന്നമാണ് കുരുമുളക്. ഫൈബര് അടങ്ങിയ ഇവ ശരീരഭാരം കുറയ്ക്കാന് സഹായിക്കും. പ്രത്യേകിച്ച് ശരീരത്തില് കൊഴുപ്പ് അടിയുന്നത് തടയാന് ഇവയ്ക്ക് കഴിയും.
മൂന്ന്...
കറുവപ്പട്ട ആണ് അടുത്തതായി ഈ പട്ടികയില് ഉള്പ്പെടുന്നത്. നിരവധി ഔഷധ ഗുണങ്ങളുള്ള ഒരു സുഗന്ധവ്യജ്ഞനമാണ് കറുവപ്പട്ട. ആന്റി ഓക്സിഡന്റുകള് ധാരാളം അടങ്ങിയ കറുവപ്പട്ട പ്രതിരോധശേഷി കൂട്ടാനും സഹായിക്കും. ഒപ്പം ഹൃദയസംബന്ധമായ അസുഖങ്ങൾ തടയാനും രക്തത്തിലെ പഞ്ചസാരയുടെ അളവ് നിലനിർത്താനും ഇവ സഹായിക്കും. ഇതോടൊപ്പം ഇവ ശരീരഭാരം കുറയ്ക്കാനും സഹായിക്കും. അമിതവണ്ണം ഇല്ലാതാക്കാൻ ദിവസവും രാവിലെ വെറും വയറ്റിൽ കറുവപ്പട്ട വെള്ളം കുടിക്കാം.
നാല്...
ഉലുവയാണ് അടുത്തതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഉലുവ വിശപ്പിനെ നിയന്ത്രിക്കാന് സഹായിക്കും. ദിവസവും രാവിലെ ഉലുവ ഇട്ട് തിളപ്പിച്ച വെള്ളം കുടിക്കുന്നത് ശരീരഭാരം കുറയ്ക്കാനും വയറിലെ കൊഴുപ്പ് സ്വാഭാവികമായി എരിച്ചു കളയുവാനും സഹായിക്കും.
അഞ്ച്...
മഞ്ഞളാണ് അവസാനമായി ഈ പട്ടികയില് ഉള്പ്പെടുന്നത്. കുര്കുമിന് എന്ന രാസവസ്തുവാണ് മഞ്ഞളിന് അതിന്റെ നിറം നല്കുന്നത്. ഇത് പല രോഗാവസ്ഥകളില് നിന്നും രക്ഷ നേടാന് സഹായിക്കുമെന്നാണ് പഠനങ്ങള് പറയുന്നത്. ബാക്റ്റീരിയ ഉണ്ടാക്കുന്ന രോഗങ്ങള്, ഉണങ്ങാത്ത വ്രണം, നീര്വീഴ്ച തുടങ്ങിയ അവസ്ഥകളില് ശരീരബലം വര്ധിപ്പിച്ച് രോഗശമനം ഉണ്ടാക്കുന്നു. ഒപ്പം ശ്വാസകോശത്തെ ബാധിക്കുന്ന വൈറസിനെതിരേയും മഞ്ഞള് ഫലപ്രദമെന്ന് തെളിഞ്ഞിട്ടുണ്ട്. രോഗപ്രതിരോധശേഷി കൂട്ടാനും മഞ്ഞള് ഡയറ്റില് ഉള്പ്പെടുത്താം. ശരീരഭാരം കുറയ്ക്കാനും മഞ്ഞൾ ഫലപ്രദമാണ്. കൊഴുപ്പ് കത്തിച്ചു കളയാന് ഇവയ്ക്ക് കഴിവുണ്ട്. അതുവഴി വയര് കുറയ്ക്കാനും സാധിക്കും. ഇതിനായി ഒരു ഗ്ലാസ് വെള്ളം തിളപ്പിച്ച് അതിലേയ്ക്ക് അര ടീസ്പൂൺ മഞ്ഞളും അര ടീസ്പൂണ് ഇഞ്ചി നീരും ചേർക്കുക. എല്ലാ ദിവസവും രാവിലെ വെറും വയറ്റിൽ ഈ പാനീയം കുടിക്കുന്നത് ശരീരഭാരം കുറയ്ക്കാന് സഹായിക്കും.
Also Read: വണ്ണം കുറയ്ക്കാൻ ഡയറ്റിലാണോ? ഈ ഭക്ഷണങ്ങൾ ഉള്പ്പെടുത്താൻ മറക്കേണ്ട...
കൊവിഡ് മഹാമാരിയുടെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
