ഇത് തമന്ന സ്റ്റൈല്‍ 'ഡോണ്ട് റഷ് ചലഞ്ച്'; വൈറലായി വീഡിയോ
ഇന്‍സ്റ്റഗ്രാം റീൽസിലൂടെയാണ് ഈ ചലഞ്ച് തരംഗമാകുന്നത്. ഡോണ്ട് റഷ് ട്രാക്കിനനുസരിച്ച് ചുവടുവയ്ക്കുന്നതാണ് ചലഞ്ച്.
ഒരാൾ ഒന്ന് തുടങ്ങിയാൽ അതിനെ അനുകരിച്ച് ആയിരമെണ്ണം വരുന്നത് സോഷ്യൽ മീഡിയയുടെ ഈ കാലത്ത് പുതുമയുള്ളതല്ല. അത്തരത്തില്‍ പല തരം ചലഞ്ചുകള്‍ സൈബര്‍ ലോകത്ത് ഇപ്പോള്‍ വൈറലാകുന്നുമുണ്ട്. ഏറ്റവും ഒടുവില്‍ സോഷ്യൽ മീഡിയയിൽ കത്തിപ്പടരുന്നത് 'ഡോണ്ട് റഷ് ചലഞ്ച്' ആണ്.
ഇന്‍സ്റ്റഗ്രാം റീൽസിലൂടെയാണ് ഈ ചലഞ്ച് തരംഗമാകുന്നത്. 'ഡോണ്ട് റഷ്...' ട്രാക്കിനനുസരിച്ച് ചുവടുവയ്ക്കുന്നതാണ് ചലഞ്ച്. ബോളിവുഡ് താരങ്ങള്‍ മുതല്‍ സാധാരണ ആളുകള്‍ വരെ ഈ ചലഞ്ച് ഏറ്റെടുത്തു കഴിഞ്ഞു. എന്നാല്‍ അക്കൂട്ടത്തില്‍ ഇതാ കുറച്ച് വ്യത്യസ്തമായി ഈ ചലഞ്ച് ഏറ്റെടുത്തിരിക്കുകയാണ് തെന്നിന്ത്യന്‍ നടി തമന്ന.
എല്ലാവരും ഈ ഗാനത്തിന് ചുവടുവയ്ക്കുമ്പോള്‍, തമന്ന മാമ്പഴം കഴിച്ചാണ് ചലഞ്ച് ഏറ്റെടുത്തത്. വളരെ അധികം ആസ്വദിച്ചാണ് തമന്ന പഴുത്ത മാമ്പഴം കഴിക്കുന്നത്. ഒപ്പം ഈ ഗാനവും താരം ആസ്വദിക്കുന്നുണ്ട്. തമന്ന തന്നെയാണ് വീഡിയോ തന്‍റെ ഇന്‍സ്റ്റഗ്രാമിലൂടെ പങ്കുവച്ചത്. 'ഡോണ്ട് റഷ് ചലഞ്ച്' എന്ന ഹാഷ്ടാഗും താരം ഉപയോഗിച്ചിട്ടുണ്ട്.
Also Read: കൊവിഡിന് ശേഷം വര്‍ക്കൗട്ട് ചിത്രങ്ങളുമായി സജീവമായി തമന്ന...
