ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം സൂപ്പ് റെസിപ്പികള്. ഇന്ന് ഷിബി സാറ സക്കറിയ തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
മുട്ട കൊണ്ടുള്ള ഹെല്ത്തി സൂപ്പ് തയ്യാറാക്കിയാലോ?
വേണ്ട ചേരുവകൾ
മുട്ട - 3 എണ്ണം
വെള്ളം - 2 കപ്പ്
എള്ള് എണ്ണ - 2 സ്പൂൺ
സവാള - 1/2 കപ്പ്
കുരുമുളക് പൊടി -1 സ്പൂൺ
വെളുത്തുള്ളി -1 സ്പൂൺ
കോൺസ്റ്റാർച്ച് -1/2 കപ്പ്
സ്പ്രിംഗ് ഒനിയൻ-1/4 കപ്പ്
തയ്യാറാക്കുന്ന വിധം
ഒരു പാത്രത്തിലേയ്ക്ക് മുട്ട പൊട്ടിച്ചൊഴിച്ചതിനുശേഷം ഒരു പാൻ ചൂടാകുമ്പോൾ അതിലേയ്ക്ക് വെള്ളം ഒഴിക്കുക. എന്നിട്ട് അതിലേയ്ക്ക് വെളുത്തുള്ളി ചെറുതായി അരിഞ്ഞതും മുട്ടയും ചേർത്ത് ഇളക്കി കൊണ്ടിരിക്കുക. ശേഷം അതിലേക്ക് തന്നെ കോൺസ്റ്റാർച്ച് വെള്ളത്തിൽ കലക്കിയത് കൂടി ചേർത്ത് ഇളക്കി യോജിപ്പിക്കുക. ശേഷം കുരുമുളകുപൊടിയും സ്പ്രിം ഒനിയനും നല്ലെണ്ണയും കൂടി ഒഴിച്ച് മിക്സ് ചെയ്ത് കുറുക്കി എടുക്കാവുന്നതാണ്. ഇതോടെ നല്ല രുചികരമായ ഒരു സൂപ്പ് റെഡി.
