പ്രായമാകുന്നതിന്റെ ആദ്യ സൂചനകള് കാണുന്നത് ചര്മ്മത്തിലാണ്. ചര്മ്മം ചെറുപ്പമായിരിക്കണമെങ്കില്, ഭക്ഷണത്തില് പ്രത്യേകം ശ്രദ്ധ വേണം.
ചര്മ്മത്തിന്റെ ആരോഗ്യത്തിനായി ആന്റി ഓക്സിഡന്റുകളും വിറ്റാമിനുകളും മറ്റും അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്തണം. അത്തരത്തില് ചര്മ്മത്തിന്റെ ആരോഗ്യത്തിനായി ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം...
ഒന്ന്...
തൈരാണ് ആദ്യാമായി ഈ പട്ടികയില് ഉള്പ്പെടുന്നത്. തൈരിലെ ലാക്ടിക് ആസിഡ് ചര്മ്മത്തിലെ ചുളിവുകളെ തടയാനും ചര്മ്മം ചെറുപ്പമായിരിക്കാനും സഹായിക്കും.
രണ്ട്...
ഓറഞ്ചാണ് രണ്ടാമതായി ഈ പട്ടികയില് ഉള്പ്പെടുന്നത്. കൊളാജൻ ഉൽപാദനത്തിന് സഹായിക്കുന്ന വിറ്റാമിന് സിയും അതുപോലെ ബീറ്റാകരോട്ടിനും ആന്റി ഓക്സിഡന്റുകളും അടങ്ങിയ ഓറഞ്ച് പതിവായി കഴിക്കുന്നത് ചര്മ്മത്തിലെ പാടുകളെ തടയാനും ചര്മ്മത്തിന്റെ ആരോഗ്യത്തിനും ഗുണം ചെയ്യും.
മൂന്ന്...
ഒമേഗ 3 ഫാറ്റി ആസിഡും ആരോഗ്യകരമായ കൊഴുപ്പും അടങ്ങിയ നട്സ് പതിവായി കഴിക്കുന്നത് ചര്മ്മത്തിന്റെ ആരോഗ്യത്തിന് ഏറെ ഗുണം ചെയ്യും. പ്രത്യേകിച്ച് ബദാം, പ്രോട്ടീൻ, വിറ്റാമിനുകള്, ഫൈബർ, ആരോഗ്യകരമായ കൊഴുപ്പ് തുടങ്ങിയവ ധാരാളം അടങ്ങിയ ഇവ ആരോഗ്യമുള്ള ചര്മ്മത്തിന് ഏറെ ഗുണം ചെയ്യും.
നാല്...
ബെറി പഴങ്ങളാണ് അവസാനമായി ഈ പട്ടികയില് ഉള്പ്പെടുന്നത്. സ്ട്രോബെറി, ബ്ലൂബെറി, റാസ്ബെറി തുടങ്ങിയ ബെറി പഴങ്ങളില് ആന്റിഓക്സിഡന്റുകളും വിറ്റാമിനുകളും മറ്റു ധാതുക്കളും ധാരാളം അടങ്ങിയിട്ടുണ്ട്. അതിനാല് ഇവ കഴിക്കുന്നത് ചര്മ്മത്തിന്റെ ആരോഗ്യത്തിന് ഏറെ നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: കണ്ണിന് ചുറ്റുമുള്ള കറുത്ത പാടുകള് മാറ്റാന് ഉരുളക്കിഴങ്ങ് ഇങ്ങനെ ഉപയോഗിക്കൂ...
