വിറ്റാമിൻ ബി, സി, സിങ്ക്, കാത്സ്യം, മഗ്നീഷ്യം, പൊട്ടാസ്യം, ആന്റിഓക്സിഡന്റുകള് തുടങ്ങിയവ ഏലയ്ക്കയിൽ അടങ്ങിയിട്ടുണ്ട്.
നിരവധി ആരോഗ്യ ഗുണങ്ങള് അടങ്ങിയ ഒരു സുഗന്ധവ്യഞ്ജനമാണ് ഏലയ്ക്ക. വിറ്റാമിൻ ബി, സി, സിങ്ക്, കാത്സ്യം, മഗ്നീഷ്യം, പൊട്ടാസ്യം, ആന്റിഓക്സിഡന്റുകള് തുടങ്ങിയവ ഏലയ്ക്കയിൽ അടങ്ങിയിട്ടുണ്ട്.
ഭക്ഷണത്തിന് ശേഷം ഏലയ്ക്ക ചവയ്ക്കുന്നതിന്റെ ഗുണങ്ങൾ അറിയാം:
1. ദഹനം
ഭക്ഷണത്തിന് ശേഷം ഒരു ഏലയ്ക്ക ചവച്ചരച്ച് കഴിക്കുന്നത് ദഹനം മെച്ചപ്പെടുത്താന് സഹായിക്കും. ഗ്യാസ്ട്രബിൾ, ഗ്യാസ് കെട്ടി വയറു വീര്ത്തിരിക്കുക, അസിഡിറ്റി, നെഞ്ചെരിച്ചില്, ദഹനക്കേട് പോലുള്ള പ്രശ്നങ്ങൾ പരിഹരിക്കാന് ഏലയ്ക്ക ഗുണം ചെയ്യും.
2. വായ്നാറ്റം
ആന്റി ബാക്ടീരിയൽ ഗുണങ്ങള് അടങ്ങിയ ഏലയ്ക്ക ഭക്ഷണത്തിന് ശേഷം ചവയ്ക്കുന്നത് വായ്നാറ്റം ഒഴിവാക്കാന് ഗുണം ചെയ്യും. വായയുടെ ആരോഗ്യത്തിനും ഏലയ്ക്ക ഗുണം ചെയ്യും.
3. ഓക്കാനം, ഛര്ദ്ദി
ഓക്കാനം, ഛര്ദ്ദി എന്നിവയെ തടയാനും ഭക്ഷണത്തിന് ശേഷം ഏലയ്ക്ക ചവയ്ക്കുന്നത് നല്ലതാണ്.
4. രോഗ പ്രതിരോധശേഷി
ആന്റി ഓക്സിഡന്റുകള് ധാരാളം അടങ്ങിയ ഏലയ്ക്ക കഴിക്കുന്നത് രോഗപ്രതിരോധശേഷി വര്ധിപ്പിക്കാന് സഹായിക്കും.
5. ഹൃദയാരോഗ്യം
ആന്റിഓക്സിഡന്റുകള് അടങ്ങിയ ഏലയ്ക്ക ചീത്ത കൊളസ്ട്രോള് കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും. ശ്വാസകോശത്തിന്റെ ആരോഗ്യത്തിനും ഏലയ്ക്ക നല്ലതാണ്.
6. നല്ല ഉറക്കം
സ്ട്രെസ് കുറയ്ക്കാനും മാനസികാരോഗ്യം സംരക്ഷിക്കാനും രാത്രി നല്ല ഉറക്കം കിട്ടാനും അത്താഴത്തിന് ശേഷം ഏലയ്ക്ക കഴിക്കുന്നത് നല്ലതാണ്.
7. ബ്ലഡ് ഷുഗര്
രക്തത്തിലെ പഞ്ചസാരയുടെ അളവ് നിയന്ത്രിക്കാനും ഭക്ഷണത്തിന് ശേഷം ഏലയ്ക്ക കഴിക്കുന്നത് നല്ലതാണ്.
