നെയ്ച്ചോറ് വളരെ എളുപ്പം തയ്യാറാക്കാം
വളരെ എളുപ്പം ഉണ്ടാക്കാൻ പറ്റുന്ന വിഭവമാണ് നെയ്ച്ചോറ്. രുചികരമായി നെയ്ച്ചോറ് എങ്ങനെയാണ് തയ്യാറാക്കുന്നതെന്ന് നോക്കാം...
വേണ്ട ചേരുവകൾ:
ബസുമതി അരി 4 കപ്പ്
സവാള 2 എണ്ണം
കശുവണ്ടി 10 എണ്ണം
നെയ്യ് 3 ടീസ്പൂൺ
ഉണക്കമുന്തിരി 15 എണ്ണം
ഏലയ്ക്ക 4 എണ്ണം
ഗ്രാമ്പു 6 എണ്ണം
കറുവപ്പട്ട 1 കഷ്ണം
ഉപ്പ് ആവശ്യത്തിന്
വെള്ളം ആവശ്യത്തിന്
തയ്യാറാക്കുന്ന വിധം:
ആദ്യം അരി കഴുകി 20 മിനിറ്റ് കുതിർത്തു വയ്ക്കണം.
സവാള അരിഞ്ഞു നെയ്യിൽ വഴറ്റണം, അതിലേക്കു കശുവണ്ടി, മുന്തിരി, ഏലയ്ക്ക, ഗ്രാമ്പു, പട്ട എന്നിവ ചേർത്ത് നന്നായി വഴറ്റി എടുക്കണം.
ശേഷം 6 കപ്പ് വെള്ളം ഒഴിച്ച് ആവശ്യത്തിന് ഉപ്പും ചേർത്ത് തിളപ്പിക്കണം.
അതിലേക്കു അരി ഇടണം. ഒരു 5 മിനിറ്റ് തിളച്ച ശേഷം തീ കുറച്ചു പാത്രം നന്നായി മൂടി 20 മിനിറ്റ് വേവിക്കണം.
നെയ്ച്ചോറ് തയ്യാറായി...
തയ്യാറാക്കിയത്;
അഞ്ചു. എസ്
തിരുവനന്തപുരം