ചിലര് പ്രഭാത ഭക്ഷണം കഴിക്കുന്നത് ഒഴിവാക്കാറുണ്ട്. മറ്റു ചിലര് ലഘുഭക്ഷണങ്ങളായിരിക്കും രാവിലെ കഴിക്കുക. പ്രഭാത ഭക്ഷണം മുടക്കിയാല് ഏതാനും മണിക്കൂറുകള് കഴിയുമ്പോള് വിശപ്പ് കൂടുതലായി അനുഭവപ്പെടും. ഇത് അമിതാഹാരം കഴിക്കുന്നതിനും തന്മൂലം അമിതവണ്ണത്തിനും കാരണമാവും.
ഒരു ദിവസത്തിലെ ഏറ്റവും പ്രധാനപ്പെട്ട ഭക്ഷണമാണ് പ്രാതൽ. ഒരു ദിവസം മുഴുവന് ഉന്മേഷവും ഊര്ജ്ജവും നിലനിര്ത്തണമെങ്കില് പ്രഭാത ഭക്ഷണം നിര്ബന്ധമായും കഴിക്കണം. എന്നാല് ചിലര് പ്രഭാത ഭക്ഷണം കഴിക്കുന്നത് ഒഴിവാക്കാറുണ്ട്. മറ്റു ചിലര് ലഘുഭക്ഷണങ്ങളായിരിക്കും രാവിലെ കഴിക്കുക. പ്രഭാത ഭക്ഷണം മുടക്കിയാല് ഏതാനും മണിക്കൂറുകള് കഴിയുമ്പോള് വിശപ്പ് കൂടുതലായി അനുഭവപ്പെടും. ഇത് അമിതാഹാരം കഴിക്കുന്നതിനും തന്മൂലം അമിതവണ്ണത്തിനും കാരണമാവും.
അതിനാല് പ്രഭാത ഭക്ഷണത്തിന് പ്രോട്ടീന് അടങ്ങിയ ഭക്ഷണങ്ങള് ഉള്പ്പെടുത്തുക. ചിലര് അമിതമായി കൊഴുപ്പും മധുരവും അടങ്ങിയ ഭക്ഷണങ്ങള് രാവിലെ കഴിക്കാറുണ്ട്. ഇത്തരത്തില് ബ്രേക്ക്ഫാസ്റ്റിന് ഒഴിവാക്കേണ്ട ചില ഭക്ഷണങ്ങളെ പരിചയപ്പെടാം...
ഒന്ന്...
രാവിലെ തന്നെ എണ്ണയില് വറുത്തതും പൊരിച്ചതുമായ ഭക്ഷണങ്ങള് കഴിക്കുന്നവരുണ്ട്. ചിക്കന് ഫ്രൈ, ഫിഷ് ഫ്രൈ പോലെയുള്ള ഫ്രൈ ചെയ്ത ഭക്ഷണങ്ങള് പരമാവധി രാവിലെ കഴിക്കാതിരിക്കുന്നതാണ് ആരോഗ്യത്തിന് നല്ലത്. കൊളസ്ട്രോള് കൂടാന് ഇവ കാരണമാകും.
രണ്ട്...
ചിലര് കോണ്ഫ്ളേക്സ് ഉള്പ്പെടെയുള്ള ബ്രേക്ക്ഫാസ്റ്റ് സിറിയലുകള് കഴിക്കാറുണ്ട്. എന്നാല് ഇതില് അടങ്ങിയിരിക്കുന്ന മധുരവും റിഫൈന് ചെയ്ത കാര്ബോഹൈഡ്രേറ്റുകളും ശരീരത്തിന് ഒട്ടും നന്നല്ല.
മൂന്ന്...
ചീസ്, പനീർ അടങ്ങിയ ഭക്ഷണങ്ങളും ബ്രേക്ക്ഫാസ്റ്റിൽ ഉൾപ്പെടുത്തരുത്. ഇവ കൊളസ്ട്രോള് കൂടാന് കാരണമായേക്കാം.
നാല്...
രാവിലെ പ്രോസസ്ഡ് ഭക്ഷണങ്ങൾ കഴിക്കുന്നതും ഒഴിവാക്കുക. പ്രോസസ്ഡ് ഭക്ഷണങ്ങൾ പൊതുവേ ആരോഗ്യത്തിന് നല്ലതല്ല.
അഞ്ച്...
വൈറ്റ് ബ്രഡ് രാവിലെ കഴിക്കുന്നതും ഒഴിവാക്കുക. റിഫൈൻഡ് കാര്ബോഹൈഡ്രേറ്റ് അടങ്ങിയ ഇവ ആരോഗ്യത്തിന് ഒട്ടും നല്ലതല്ല.
ആറ്...
മധുര പലഹാരങ്ങള്, മധുരം ധാരാളം അടങ്ങിയ ജ്യൂസുകള് തുടങ്ങിയവയും രാവിലെ കഴിക്കുന്നത് ഒഴിവാക്കുക.
ഏഴ്...
രാവിലെ വെറും വയറ്റില് വേവിക്കാത്ത പച്ചക്കറികള് സലാഡായി കഴിക്കുന്നതും പഴങ്ങള് സലാഡായി കഴിക്കുന്നതും ഒഴിവാക്കുക.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: രക്തത്തിലെ പഞ്ചസാരയുടെ അളവ് നിയന്ത്രിക്കാന് സഹായിക്കും ഈ നാല് ഭക്ഷണങ്ങള്...
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
