മാഞ്ചസ്റ്റര്‍: മാഞ്ചസ്റ്റർ സിറ്റിയുടെ ഗോളാരവത്തോടെ ഇംഗ്ലീഷ് പ്രീമിയർ ലീഗ് വീണ്ടും തുടങ്ങി. ആഴ്സണലിനെ തോൽപിച്ചത് എതിരില്ലാത്ത മൂന്ന് ഗോളിന്. സിറ്റിക്കായി റഹീം സ്റ്റെര്‍ലിങ്(45+2) കെവിന്‍ ഡിബ്രുയിന്‍(51) ഫില്‍ ഫോഡന്‍(90+2) എന്നിവരാണ് ഗോള്‍ നേടിയത്. 49-ാം മിനുറ്റില്‍ ചുവപ്പ് കാര്‍ഡ് കണ്ട് ഡേവിഡ് ലൂയിസ് പുറത്തായതും ആഴ്‌സണലിന് നാണക്കേടായി. 

അതേസമയം യുവന്റസിനെ പെനാൽറ്റി ഷൂട്ടൗട്ടിൽ വീഴ്‌ത്തി നാപ്പോളി ഇറ്റാലിയൻ കപ്പ് ചാമ്പ്യൻമാരായി. 4-2നാണ് നാപ്പോളിയുടെ ജയം. പൗലോ ഡിബാലയും ഡാനിലോയും പെനാല്‍റ്റി പാഴാക്കി. ഇതോടെ കരിയറിലാദ്യമായി തുടര്‍ച്ചയായ ഫൈനലുകളില്‍ ക്രിസ്റ്റ്യാനോ റൊണാള്‍ഡോ തോല്‍വി അറിഞ്ഞു.